البارت الخامس عشر
علي.. كعدت الصبح هيه نايمه بستها من كصتها وشميتها وكلت الله لا يحرمني منج

ابتعدت منها عله مهل جريت نفسي خفت تصحى نزلت سبحت طلعت جبت النا ريوك كيمر وعسل وجبت كاهي وياه دخلت للمطبخ خليت الجاي ؏لنار وحضرت الصينيه

شهد.. صحيت من النوم شفته ماكو. باوعت لنفسي ابتسمت ياااي صرت مرته فديته لزوجي اليخبل😍☺ الله لا يحرمني منه

كعدت عله حيلي بدلت ونزلت لكيته بالمطبخ ديسوي ريوك حضنته من ضهره وبسته بكتفه من وره وكتله صباح الخير

علي.. ابتسمت درت وجهي عليها وحضتها كتلها صباح الحب والرومانسيه عله احله خشم بالعالم ولزمته من خشمها

شهد.. ييييييي علييييي هههههه حبيبي ضميت راسي بصدره انوب باوعتله كتله احبك

علي.. بستها بخشمها واني امووووووووت بيج

شهد.. باوعت شفته مجهز الاكل بعدت نفسي من حضنه وكلت يم يم اكل اكل وامسح عله بطني

علي.. فديتها لحبيبتي ام كريش يله تعالي كعدنا نتريك واوكلها بيدي وهيه تضحك الفطيره واني مبتسم لضحكتها كملت اخذت المواعين وراحت للمطبخ تغسلهن

رحت وراها وسحبتها لاديه كتلها انتي اليوم عروستي لو البيت يخيس مالج شغل بيه اليوم شغلج ويايه اني 😉

شهد… ههههه عليييي بس اغسل هاي هوه ماعونين ما اطول

علي.. تؤ تؤ تؤ ماكو ماكو ماكو يله تعاي وسحبتها ورحت للغرفه وهيه بس تضحك تجيب التايه ضحكتها تكول مال وحده استغفر الله ههههه

طلعت بيها ضيم مال سنين عله كلبي نسيت الدنيا نسيت العالم كله وياها كعدنا العصر نايم وفزيت فتحت عيوني عله كبرهن يا الله هاي شلون نسيت😳😳😳

كمت بسرعه فزت كالت شكو كتلها عندي شغل ارجعي ارتاحي ساعه وارجعلج

اوووف يالله اليوم عندي شحنه ب6 السته الصبح شلون نسيتها انوب موبايلي ولا شفته نزلت لكيته علتخم صامت وفوك 43 مكالمه من صاحب الشركه

خابرته ميرد بدلت بسرعه وطلعت كتله اسف والله صار عندي ضرف بقه يصيح ويكول انته مهمل كتله عمي هوه بس اليوم نسيت يوميه اجيك علموعد

كال بعد ماكو اتصل بيك 100 مره متجاوب روح علي اخذ اجرك واطلع لكينه غيرك اخذ الشغل…

انقهرت حيل رجعت للبيت كعدت بالصاله مخلي اديه عله راسي اجت شهد كعدت يمي وخلت ايدها عله ضهري وتباوع لوجهي وتحاجيني

شهد.. دخل حيل مقهور هذا شبيه بس لا اتعارك ويه اهله اتقربتله كتله شبيك حبيبي

علي.. فركت وجهي كتلها انفصلت من الشغل

شهد.. يااااا ليش

علي.. نسيتهم اليوم وما رحتلهم وشافو واحد ابدالي

شهد.. يله حبيبي لتشيل هم الله يعوضك باللي احسن منه جريت راسه وخليه عله صدري وامسح بشعره

علي.. اوووف ولج شهد ابيتي كله ماكو غير 500 الف دينار وين اوديهن وشيكفن

شهد.. هاي شبيك علوشي مو انته اللي التكولي لا تشيلين هم والله موجود ..لتخاف حبيبي الله الرزاق عسا ان تكرهو شيئا وهوه خيرا لكم

علي.. ابتسمت بستها من راسها وكمت رحت للحمام اسبح اجت هيه تليفلي وادلكلي ضلعي بالصابون ارتاحيت باوعتلها ابتسم وكتلها احبج

شهد.. اموت بيك اخذني ابين اديه و………… .

نايمين بالغرفه وهوه نايم باوعتله وجريت نفس وكتله يا بعد كل معاناتي ..وياك بس حسيت بالراحه الحقيقيه بوجوده احس نفسي طفله بٲيدين ابوها

حنيتك عليه وحبك نسوني كل همومي كمت من عنده نزلت سبحت ورحت للحمام اسوي عشا واندكت الباب فتحته امه وابوه ووياهم مره وطفل دفعتني امه ودخلت

علي.. نايم سمعت الباب تندك جريت برمودا ولبستها ونزلت بدون قميص باوعت ميعاد وامي وابوي ضجت حيييل اشرت لشهد جيبيلي قميص..

بس اتقربت لحسن ابني اخذته الاعبه وابوسه مشتاقله

الاب.. عليوي هاي مرتك جبتها اذا نقصت عليها شي لو سمعتك هاجرها لو مفضل غيرها عليها محد ميخلصك مني انهيك

علي.. باوعتله كتله يابه جبتها امنت بلله منا وشيل ايدك لا تدخل بعائلتي اني حر التصرف ويه التعجبني

الاب.. عليوي والله اذا..

علي.. ياااااابه كلت شيل ايدك جبرتني وجبتها بدون رضاي لا تجبرني اتخبل ومحمد اكلب عاليها واطيها خليني ساكت احسن تره روحي طافره

الام.. خوش فاره عقلك هاي بنت الشوارع

علي.. يمه لا تخليني ارفع صوتي واتجاوز لخاطر الله صيحت.. مرتي انتي ما الج دخل بيها عسا لو جايبها من الملهى واني قابل بيها كافي محد يدخل بحياتي

جابتلي شهد القميص لبسته وطلعت

شهد.. شفته طلع 😨😨خفت لا انوب يرجعون عليه افلتتتتت 🏃🏃🏃صعدت لغرفتي وقفلتها بساع

سمعتها صارت صنطه طلعت لكيت مرته جاي تدخل لغرفتها بس صدك مو حلوه هاي شلون قبل بيها عيييع مرعبله 😪 عفتها ونزلت اجت وراي

ميعاد.. انتي شلون تعرفتي عله علي

شهد.. التقينا بتركيا وحبينا بعض 😏

ميعاد.. هه كالو عليج بت شوارع وما صدكت اذا لاكيج بتركيا بعد شنترجه منج

شهد.. بت شوارع بت ناس يكفي علوشي يحبني ويعشق التراب اللي امشي عليها😪 مو مثل باقي الناس شامره روحها عليه وترجعله وهوه ميريده عووع كطيعه وين الكرامه 😪

ميعاد.. تعاي ولج هاي عليمن

شهد.. اجت جرتني من تيشيرتي ..كتلها تردينه عادي انزعلجياه وربي اصلا اريد اطب اسبح لان مو نضيفه تعرفين علاوي كله وكاحه ساعه ميخليني نضيفه

..هوه اني جذب سابحه بس اريد احرك دمها😁😁😁 رادت تحجي سمعت باب البيت انفتح سكتت كالت اني الج كتلها خب دولي 😪 عفتها ومشيت

ورحت لكيته كاعد بالصاله ويفر بموبايله كعدت عله رجله وشمرت شعري صفح وخليت راسي عله كتفه كتله حبيبي لتضوج تره والله متسوه احاجيه همس وبدلع وطبت ميعاد باوعت وصعدت

علي.. كعدت عله رجلي وتهمس بدلع وشعرها يتمايل وياها من تحجي خليت ايدي عله خصرها دخلت ميعاد شافتنا وبساع طلعت

ابتسمت عرفت علمين كاعده هيج وتدلع كتلها شهوده بدون مشاكل تره تعبان ومابيه دوخة اتركيها لا تتقارشين وياها تره ما تعرفيني شسوي

شهد.. اشو صاير وكيح خليت اديه حول ركبته وعضيت شفه كتله اي شتسوي (بدلع)

علي.. احتركو اهلي تدلع وانه كلبي رهيف ما يتحمل ولج والله اذا ابقي عله هلحال لا وعلي ينهد حيل واصير امشي عوج

شهد.. ههههه ضحكت بصوت عالي

علي.. ولج اششش انتي ضحكتج فضيحه تكول ميس كمر شهرتينا

شهد.. هههه اي غير احبك كمت من عنده و جريت ايده وغمزتله تجي

علي.. اويلي ياب لك لو كل الجيات هيج جان الناس بخير

شهد.. هههههه

علي.. ولج اششش الدنيا ليل فضحتينا خرب بهلج عله هلضحك فطيره شجاج اليوم

شهد.. علاوي لتكولي فطيره والله اضوج 😓

علي.. ولج انتي كيكه فطيره يحبها كلبي

شهد.. هههههه.. اتعمد اضحك بصوت عالي حته اضوج ناس😌 ..تعرفوهم كل الزين مہۣۙـ﴿ℳø﴾ـہۣۙـو 🙄

كعدت الصبح باوعت علاوي يمي بسته بخده كتله علوش الساعه 9 تكوم

علي.. اممم حبيبي عوفيني نايم حته شغل ما عندي وين اروح

شهد.. براحتك حياتي نزلت لكيت الططوه عود صايره نادره منضفه ومسويه ريوك 😒 لو تموتين بعد ميكلبج

كتلها ياااا سوده عليه ليش كلفتي نفسج جان عفتي الريوك اني اسويه

ميعاد.. ومنو مسويه الج مسويته لعلاوي😏

شهد.. علاوي مينزل هسه.. خطيه للصبح يله نام تعرفين عريس وكذا 😝

اخذت الصينيه وكعدت بالصاله كتلها تاكلين لو لا جرت الصينيه مني كالتلي ممنوع انتي تاكلين ويانه كومي ولي

شهد.. ويطبج طوب😒 ميته عله اكلج اصلا زفر مثلج درت وجهي ولكيت علاوي وراي يبووو هسه شيكول عليه شكد عيب راح اكل رزاله😑 كال

علي.. صباح الخير

ميعاد و شهد.. صباح النور

شهد.. حبيبي شو نزلت مو كلت اريد انام

علي.. من كعدتيني ما اخذت عيني نوم بّـــعَ ـًد

ميعاد.. تتريك

علي.. اجيت اكول لا بس شهد مزوده المود هواي عليها ودايسه بمصارينها

كتلها اي خلو الصينيه باوعت عليهن ثنينهن واكفات كتلهن ما تكعدن ..

كعدن اثنينهن اخذت حسن ابوس بيه واوكله بٲيدي ميعاد تضحك بس شهد ضاجت اخذت لكمه وخليتها بحلك شهد ضحكت

كاعدات وياي علاكل ويتعاركن بعيونهن كملت كلت سلمت ايدج كولش طيب وكمت وصحت شهد نزليلي ملابسي اريد اطب اسبح

شهد.. ما اعرف حيرتني تصرفاته ساعه يصير وياي وساعه يمدح بميعاد ما اعرف افرح لو اضوج 😐 صاحلي جيبيلي الملابس

رحت جبتها اله دكيت عليه الحمام كال فوتي ما قافله 😳😱 كتله هااا شلوون فتح الباب جرني بسرعه ودخلني للحمام دفعني علحايط وكال… يتبع

🌺🌺🌺