2.1K
البارت السابع
ضميتها بين ضلوعي حيل حته تدفه وتهدئ وفعلا شوي خفت بس تهذي بابا لتعوفني بابا لتروح وضامه راسها بصدري
خليت راسي عله شعرها اوووف رطب وريحته تخبل بقيت بهلوضعيه لحد ما نمت
شهد.. صحيت فتحت عيوني بتثاقل والا اشوف نفسي بحظن علي وهوه عاصرني بحضنه حيل كمزت بسرعه خلصت نفسي من اديه
وكرفصت نفسي واباوعله باستغراب وهوه كمز ويكول
علي.. لتخافين والله مصار شي بس جنتي مريضه وتهذين بٲسم ابوج واني اخذتج بحظني علمود تدفين وتهدين والله ماكو شي ثاني
شهد.. بقيت مصدومه اباوع لنفسي لابسه ملابسه كتلها هذي الملابس شجابها عله جسمي
علي.. ااااا والله جنتي بردانه ومبلله ملابسج وبدلتلج
شهد.. نعم بدلتلي شنوووو صحت
علي.. لتخافين والله مغمض ما شفت شي
شهد.. غمضت وبقيت ابجي ؏لوضع الاني بيه يربي ليش هيج تخليني هوه كام يصبر عليه وخله ايده عله راسي كمزت كتله
ابتعد عني لا تقترب والله اموتك لو حاولت تتقرب مني هاي عود اني امنت بيك كلكم نفس الشي كلكم ما الكم امان غايتكم وحده من البنيه
علي.. شششششششش كافي (صيحت) كتلج والله ما سويت شي فوكاها تصيحين شنو ابتليت خو ما ابتليت هاي انتن النسوان كلجن هيج
بجي وصياح ونك نننننننن طلعت روحي لو رايد اتقربلج جان اتقربتلج وانتي تكمزين جوه المطر وملابسج لاطشه عله جسمج والشارع فارغ
بس خليت الله بين عيوني وكلت هاي امانة الله وما خليت نفسي تمون وهسه جايه تصيحين براسي.. عفتها وضربت الباب وطلعت نزلت للكافتيريا
شهد.. دنكت ابجي صفنت ويه روحي صدوك الولد ما اذاني ولو ناوي يتقربلي ما تصعب عليه بس هوه وكف وياي وساعدني انوب اني هجمت بوجها يا ربي شسوي
هووووووف بدلت ملابسي وغسلت ملابسه ونزلت ادوره بالفندق ماكو انوب كلهم اتراك وما اعرف لغتهم حاولت احجي وياهم انكليزي هم مافهمو
طلعت برا الفندق لكيت كدامه مطعم وكوفي دخلت باوعت شفت ضهره كاعد و وجها لذيج الصفحه اتقربت لكيته كاعد يشرب ٲركيله ويلعب بموبايله
خليت ايدي عله كتفه فز باوعلي ورجع دار وجها ؏الفون
شهد.. علي
علي.. هممممم
شهد.. اسـŝøŗŗýـــفه
علي.. اممممم
شهد.. علي اتفهمني والله خايفه لسه ما نسيت اللي صار ويايه لو تعرف الرعب اللي عشته ذيج الليله جان عذرتني
علي.. واني شسويت ذبحتج هلتشوفيني ساكت
شهد.. بس سكوتك يذبحني اكثر من كلامك
علي.. اخذت نفس وباوعتلها يبنت الناس اني تعبانه نفسيتي وانفجرت بيج سامحيني بس اضوج مره تعلي صوتها وياي
شهد.. اسفه والله بس لما شفت نفسي بهلوضع تلخبط راسي وما عرفت شحجي
علي.. يله مصار شي
شهد.. يعني مزعلان ☻
علي.. هههه ❌لّـٍْـŃØـٍْـاّ❌
شهد.. اممم حلو هسه الواحد تنفتح نفسه علاكل يله ريڪني
علي.. هههههه شتاكلين
شهد.. ما إ؏ًٍْٓـــًٍِرفٰٰٰ شوف علذوقك
علي… اممممم عدهم فطاير بالسبيناغ كولش طيب
شهد.. عيييييع لا لا حشا نعمة الله اكره السبيناغ
علي.. اكو فطاير بالجبن تردين
شهد.. اوك ..انته تريكت
علي.. لا والله بس شربت كلاص جاي
شهد.. لعد شلون هيج عله ريك نركيله
علي.. شسوي غير قهرتيني 😪
شهد.. قهرتك لو تريدلك حجه علمود تنركل😒
علي.. هههههه طلبت الريوك وكعدنا ناكل اني اكل واباوعلها بطفر عيوني
شهد.. حرجني بنضراته حته انحولت ما كاعد اعرف شلون اكل😑 كتله تريدها 🙄
علي.. شنو هيه
شهد.. الفطيره البيدي
علي.. لا مو هذا كومه كدامي شسوي بيها
شهد.. اي لعد شبيك تباوع مو انحولت ما كمت اعرف اكل
علي.. ههههه اوك اوك كملي رجعت تاكل واني بعدني اباوع عليها باوعتلي هيج 😠 ههههه كتلها مو بيدي عين ما توخر👀😂
شهد.. هههههه لك اريد اكل
علي.. ولكلاكه التلك ضلوعج لك شنو بتل بتل دكومي كومي خل نكوم نفتر جوعيه متمل من الاكل
شهد.. احاجيه واني اكل بالفطيره بساع باوع ثنين بالدنيا ما ينملن الاكل والدياحه كمت نفضت اهدومي وكتله وتصير خوش وليد لو ديحتنا اليوم ☺
علي.. وين تردين نروح
شهد.. بكيفك
علي.. تعاي اخذج للبحر يخبل
شهد.. ولك خاف بيه مصاليخ
علي.. ههههههههههه وشعلينا بيهم قابل راح نتصلخ وياهم بس اول خل نشتري ملابس خفيفه لان هناك شمس تحرك
شهد.. يا تحرك بارده
علي.. وقت الضهر يصير حار البحر لان الشمس قويه مديت جيبي طلعت الحساب خليتها علطاوله وكتلها يله تعالي
اخذتها من ايدها ومشينا اخذت برمودا وتيشيرت خفيف وهيه اخذتلها بنطرون بوري ابيض وقميص قصير سمائي واسود انوب
رحنا انطيتها الملابس راحت تبدل واجت كالت شلونهن
علي.. اباوعلها جسمها مقسم كتلها ضيقات البنطرون فاضح
شهد.. وهسه
علي.. ارجعي لذاك البنطرون اللي اشتريته الج راهي احسن من هذا
شهد.. اوك
علي.. رحنا اني وياها للبحر البنات اشكال وانواع بالملابس الداخليه وهيه صافنه عليهن ابد ما شالت عينها باوعتلها كمت اضحك
شهد.. شُٻيُڪ
علي.. ولج اني الرجال ممركز بجسمهن بكدج
شهد.. ههههه شمدريني اول مره اشوف هيج… زين ما يستحن كل جسمهن طالع ويمشن كدام الرياجيل عادي يعني
علي.. هههههههههههههه لج بابا متعودات مالج شغل بيهن طلبت عصير وهيه كاعده يمي
شهد.. يابه لو بارده لو بوخه هفففف متت
علي.. البحر بهيج وكت الضهر يصير بوخه من يتبخر المي
شهد.. لو جايين العصر
علي.. جان متنا برد وتتمرضين مثل البارحه وباوعتلها بطرف عيني بمكر واضحك
شهد.. عابت لا تذكرني😶😶
علي.. والرب تخبلين جنتي نايمه تكول ملاك وتصيحي بابا بابا واتماوع بصوتي
شهد.. علييييييييي لا تخجلني اكثر والله عيب هاي اني هيج اتماوع 😶😶😶
علي.. هههههههههه لج خليج عله طبيعتج والله حلوه وخاصه خشمج يخبل اموت عليه تكوله فستقايه ومريضه صاير احمر ردت ابوسج بس اخلاقي الحلوه ما سمحتلي😌
شهد.. عليييي😒 تباوع هذا الكلاص مال العصير🍺 شكد حلو 🙄 هسه اذا اخليه براسك اكو احد يلومني😠
علي.. 😂😂😂 لا لا خلص خلص بعد ما احجي ولا اكول الشفه البارحه متت من وراها ووكف شعر راسي وكوه صبرت نفسي وما بستها😂😂😂😂
شهد.. علييييييييييي عفته وكمت للبحر امشي اجه وراي
علي.. شهد لا تاخذيها بغير شي والله احب اتشاقه
شهد.. اعرف😒 لو مو شقه جان شوفتك قدراتي القتاليه
علي.. هلله يبروسلي بله شوفيني
شهد.. شلت رجلي ورفعتها اعله من راسه بحركه قتاليه كوه متعلمتها من اليوكا اللي بالتلفزيون😁
علي.. 😳😳😳😳😳 فتحتها 180 درجه كولش قويه بس اني ما عفتها لزمتها من رجلها😂
كامت تكمز عله رجل وحده واني لازم الثاني وميت ضحك😂😂
شهد.. علييييييي عووووووف رجلييييي😢😠😭😭😭😭
علي.. يله يبروسلي شوفني مهاراتك 😂😂
شهد.. بقيت اسحب برجلي ماكو😑
بس تركها اتكومت بالكاع 😥واحنه عله حافة البحر مي ورمل اطلطخت صرت شوربه
وهوه واكف يضحك سحبت رجله وجان يوكع عله بطني اوووووخ يمه وميته ضحك😂😂😂😂😂
علي.. بس تركت رجلها وكع بالمي😂😂
انوب سحبت رجلي وتكومت فوكاها هههههه ااااااااخ لا يابنت الاوادم اباوعها هيه خربانه ضحك
واحنه نايمين بنص المي وخرت خصلت شعرها من وجها وبقيت اباوع بوجها هيه وكفت الضحكه وباوعتلي بقيت اباوع بوجها بحسنها ابرائتها
رغم كل هلمصايب اللي عله راسها عدها القدره ان تضحك
هيه غيرت ملامحها واني صافن بيها بدون وعي اتقربت وبستها وهيه جوه ايدي حسيتها مستسلمه
بس لشوي دفعتني وكامت .خررررب هاي شسويت استغفر الله ربي شفتها راحت للحمام كمت وراها
شهد.. كاعد اضحك وخربانه ضحك شفته صفن بوجهي تغيرت ملامحي و باوعلتله بجديه
وما احس الا باسني حييييل بقيت منصدمه باللي صار مشاعر ملخبطه ما اعرف شنو حسيت اذا قابله او رافضه اخر شي دفعته حيل من فوكايه
وكمت بدون ما احجي رحت للحمام اباوع لنفسي هاي شبيه رافضه احد يتقربلي وشردت من وره هلموضوع اجي هنا اتقبله
كمت اتلمس بشفافي واباوع للمرايه ليش هيج متوتره خليت ايدي عله كلبي يدك احسه راح يطلع من مكانه ما اعرف شصار بيه احساس ملخبط
غسلت وجهي ولميت شعري عدلت ملابسي وطلعت لكيته واكف كبال الحمامات بس شافني اجه
علي.. شهد والله اسف والله ما كان قصدي ما اعرف شلون ما سيطرت عله نفسي شهد شهد بس اوكفي… يتبع
🌺🌺🌺🌺
