يا بعد كل معاناتي

البارت السادس
علي.. كاعد ناكل واباوعلها متاكل كتلها شنو الاكل مطيب

ما مدى تقيمك ؟

انقر على نجمة لتقييم ذلك!

متوسط التقييم 5 / 5. عدد الأصوات: 3

لا أصوات حتى الآن! كن أول من يقيم هذه الرواية.

شهد.. ها اااا لا طيب

علي.. لا والله معجبج كولي شتردين انزلج غيره

شهد.. ميحتاج

علي.. لا اتعبيني وكوليلي عجبج لو لا

شهد.. صراحه بيه طعم لهانه واني اتخبل من اللهانه

علي.. ههههه تردين شاورما

شهد.. براحتك

علي.. لحم لو دجاج

شهد.. بكيفك

علي.. هوه اني شكول تكوليلي بكيفك وبراحتك جا عليمن سائلج خو اني اطلب بدون ما اكلج

شهد.. هههه دجاج

علي.. يا صلوات على محمد من نطقتيها دزيت الها شاورما وكامت تاكل اباوعها شلون تاكل بنزاكه بقيت صافن بيها انتبهتلي

شهد.. كعدت اكل احب الكص خاصه اذا دجاج بس شلت عيني لكيته يباوعني خجلت😶 كتله شبيك😐

علي.. هههه ماكو شي كملي كملي بقت تكمل انوب اتذكرت اني لسه ما عرفت اسمها شهلغباء ضربت عله راسي وكتله صدوك شسمج

شهد.. ههههه اسمي شهد وانته

علي.. اسمي علي تدرين نسيت اسٲلج عله اسمج طول هليوم والله دايخ انه خرررب

شهد.. واني اكثر منك يله عادي مو مهم كملت دخلت للحمام وطلعت لكيت كاعد ودافع الحساب كال

علي.. كملتي

شهد.. اي

علي.. يله لعد خل نروح اخذتها ردت اعبر الشارع لزمت ايدها ومشيت.. للحضه حسيت نفسي مسؤل عنها ولازم اعتني بيها واخاف عليها

وصلنا للسياره صعدت وكتلها انطيني ايدج صعدتها وصارت قريبه مني اتلخبطت واحس حرارتي صعدت كتلها ارتاحي نامي

شهد.. لا تعبت من النوم خليني كاعده

علي.. اها براحتج

شهد.. من لزمني من ايدي وعبرني الشارع شي بداخل فرح اطمٲنيت للحضه حسيت الي سند اكو شي بهلدنيا يحميني حته لو يومين

باوعت عيونه كمت اشوف بيهن خوف عليه كعدت يمه جان الهوا بارد كولش باوعت الفون مالته كتله عادي العب بيه

علي.. اي كدامج بيه العاب كومه العبي… ا

خذته وكامت تلعب اخر شي شفت الموبايل وكع من ايدها اباوعها نايمه ضحكت هههه…

وكفت السياره شويه عدلت نومتها وجريت الغطه وغطيتها اباوعلها وابتسم حليوه ربي يستر عليها اوووف لا اكدر اخذها ولا اكدر ابقيها زين وين اوديها

… .يله ربك يحلها خل اخلص هسه من البضاعه والله كريم..

حسيت نفسي ثقلت عيوني نعست والجو بارد وصار الليل صفيت بكراج شاحنات ونمت

شهد.. كعدت هاي وين نايمه كمت باوعت الغطا مغطيني بيه درت وجهي عليه لكيته نايم كعده عل كرسي مالته ومكرفص نفسه من البرد

شلت الغطا وغطيته ونزلت علكيف من السياره رحت للحمامات موجوده بالكراج غسلت وكملت بس طولت بالحمام دا اطلع وانصدم بعلي..

علي.. كعدت من النوم الدنيا الفجر باوعت الغطا عله جسمي درت وجهي عليها بس هيه ماكو كمزت بساع و شمرت الغطا و نزلت ادور عليها

اباوع بين السيارات ماكو طلعت برا الكراج الشارع فارغ ما بيه صوت استغفر الله يا ربي هاي وين راحت شلون هيج تنهزم

لو لزمها واحد وشافها وحدها مراح يرحمها بقه كلبي طاير عليها واني ادورها اخر شي كلت خل اشوفها بالحمامات مال الكراج

رجعت ركض دا افتح الباب صارت بوجهي صحت بيها من الله يلعن بليسج وين رحتي بصوت عالي

شهد.. خفت من صاح بيه كتله بس نزلت للحمام والله وبجيت

علي.. استغفر الله ياربي والله مو قصدي ابجيج بس صارلي ساعه ادورج عبالي رحتي لو تهتي

شهد.. خفت عليه باوعتله ودموعي بعيني

علي.. لا عله امي دمشي امشي راح كلبي خره ببليسج مشيتها للسياره صعدتها وصعدت باوعتلها تباوع بوجهي كتلها شبيج

شهد.. صار هواي مشايفه احد يخاف عليه لو يحجي ويايه بهلعصبيه لمصلحتي

علي.. باعي شهد انتي بحمايتي ومسؤليتي منا لما ارجعج لبيتج سالمه

شهد.. متقصر شكرا

علي.. لا هذا واجبي.. صفنت عله روحي صدوك شبيه شبيت نار من لما ما لكيتها حركت الشاحنه ومشيت كامت الدنيا تمطر

وهيه كل ساعه اطلع راسها من الجام وتستنشق المطر كتلها سدي الشباك المطر قوي لا تتمرضين

شهد.. لا بلعكس حلو الجو واطلع راسي من الشباك واصيح ياهوووووو

علي.. ههههه خبال والله خبال واضحك واهز براسي

شهد.. علاوي وكف السياره خل ننزل بالمطر

علي.. لا لا انتي تخبلتي رسمي

شهد.. عفيه عفيه بلييييز ☻ حجيتها بدلع

علي.. لج تتمرضين

شهد.. مو بارده كولش حلو الجو والله عفيه علاوي وكف السياره

علي.. اوف منج اوف هههه اوك لحضه وكفت الشاحنهرما اريد اكسر بخاطرها خطيه اذا جان لعبها بلمطر يفرح اوكف ليش لا

نزلت تلعب جوه المطر بنص الشارع وتكمز واني اباوعلها مبتسم

اخر شي شفت اهدومها تبللت كولش ولطشن عله جسمها بينت كل مفاتنها كمت احاول ابعد نضر وما اباوعلها

بس جسمها يجذب واني رجال وبسفر اوووف ربي تخبل

اوووو استغفر الله هاي شدا اخربط علي اعقل البنيه امانه عندك لتخلي رغباتك تهزك نزلت لزمتها من ايدها وسحبتها كتلها كافي يله اصعدي

شهد.. باوعته عيونه حمر كتله شبيك

علي.. ما بيه شي اصعدي ..خرب حظي احساسي مفضوح كبر طمني بساع بين عليه

شهد.. صعدت اباوع لنفسي ملابسي كلها مي ولاطشه عله جسمي وهوه يحاول يبعد نضره وميباوعلي بساع كمزت للكشن الوره حته ميضل يباوع عليه

..لشوي بقيت ارجف من البرد كتله علي بردانه

علي.. شكلنا مو بارده ننننننننن تنكين هواي لحد ما بردتي يطبج طوب

شهد.. علكيفك عيني ابتلينا حجينا😪… بقيت لامه نفسي من البرد وكاعده

علي.. باوعتها بالمرايه الاماميه وهيه وره وضحكت وكتلها كتلج ردي وما رديتي اكليها بالعافيه

شهد.. بس والله بارده اشااااااااه

علي… هههههه دنكت عل الجنطه مالتي كتلها هاج اخذي ملابس من عندي والبسيهن عله ما ينشفن ملابسج

شهد.. جريت ملابسه البدي حيييل جبير عليه والبنطرون شلون ما البسه يزلك حيل جبير اخذت التيشيرت لبسته بس مالبست بنطرونه

رجعت علبجامه مالتي القديمه الجنت لابستها ولابده جوه الكشن ابدل علمود ليشوفني

علي.. تبدل وتحجي ويه روحها لا هذا جبير وارجع لهذا احسنلي هلبنيه مصيبه هزيت راسي وضحكت هههه والله يا الله

باوعت شفتها طلعت من جوه الكشن كملت تبديل اويلي التيشيرت مالتي صاير عليها ثوب😂😂

شهد.. لا تضحك 😒