يا بعد كل معاناتي

by SevenStory
7 minutes read

5
(3)

البارت الثامن
شهد.. غسلت وجهي ولميت شعري عدلت ملابسي وطلعت لكيته واكف كبال الحمامات بس شافني اجه

علي.. شهد والله اسف والله ما كان قصدي ما اعرف شلون ما سيطرت عله نفسي شهد لحضه بس اسمعيني

شهد.. سد الموضوع علي رجاءا الصار مو صوجك الصوج مني اني اللي واكفه اتمضحك بنص البحر ويه شخص صار يومين تعرفت عليه ولا كٲني شردت بروحي فقط لحته احافظ عله نفسي

علي.. شهد لا تفهميني غلط والله اللي صار خارج عن ارادتي

شهد. امشي وهوه يمشي ورايه ويحجي اتوقفت وباوعتله وكتله علي كتلك سد الموضوع وكٲن شيئا لم يكن ما اريد اتذكر شي بس رجعني للعراق ما اريد غير شي وعفته راسي ومشيت

علي.. غبي غبي والله غبي وضربت عله راسي شبيه اثوليت مو كلت هاي امانة الله هيج اعتدي عليها اوووف ياربي

ما اتحمل من تصير كبالي شي بداخلي يتحرك مو بيدي مكاعد اسيطر عله نفسي يارب عونك اوصلها لبيتها سالمه وما تدني نفسي عليها

..مشيت وراها جانت ماشي عكس الاتجاه مال الفندق اللي احنه بيه اريد الحك بيها ماكو مو رجلين تكول البيب بيب

صحت ..ولج يعموده اوكفي ولج تعاي ولا جنها 😐ولج مو منا الفندق بعدها مستمر يربي😑 اخر شي ركضت وراها حيل لزمتها من ايدها صاحت بوجهي

شهد.. علي كافي الخاطر الله تره اتماديت صار الصار وما حجيت شتريد اكثر

علي.. ولج شكد تحجين صار ساعه اكولج طريق الفندق مو منا من ذيج الجهه 😐

شهد.. هاا😥😥 ليش،ما تكلي راحت رجليه من المشي😢

علي.. بتل بتل صار ساعه اريد الحك بيج ماكو تكول مخليه برجليج سكوتر

شهد.. 😐😐😐

علي.. دمش امشي خل انروح نتغده فطست من الجوع

شهد.. عفيه تعبت اريد ارجع اخذ لفات سفري وخل ونروح ميته تعب

علي.. اوك مريت بمحل اخذنا همبركر ومشينا للفندق صعدنا اول ما دخلت هيه اتمددت علسرير كتلها كومي اكلي

شهد.. خليها يمك ما اريد بس خل ارتاح ماتن رجليه من المشي

علي.. براحتج اخذت البركر مالتي والبيبسي وفتحت التلفزيون وكعدت اكل لشوي باوعتها غافيه

اخذت الغطه وغطيتها وكعدت يمها اخذت نفس ورجعت باوعتلها وكلت

وتالي وين راح اوديج اخاف اردج للبيت واخوتج يرجعوج خدامه وتشحدين بالشوارع تستاهل وحده مثلج تتعب هشكل

نمت وكلبت عل جيهتها وسندت راسي عله ايدي واباوعلها وخرت خصلات شعرها من وجها وبقيت صافن بيها لحد ما نمت

شهد.. صحيت من النوم لكيته نايم ووجها بوجهي عيوني منعسه واباوع بيه منين طلعتلي انته اوووف اخذت نفس ودرت وجهي

احس ابطني تصوفر من الجوع كمت طلعت الهمبركر مالتي والبيبسي وكعدت اكل فتحت التلفزيون ساعه ابحث علقنوات العراقيه ماكو حته العربيات ماكو يا دوب لكيت قناة mbc2 گٍعدتٍ آبآوع فلم

حسيته كعد كال شدسوين باوعتله كتله دا اكل مد ايده علبيبسي مالتي وصك عليه واني اباوعله😦

علي.. كعدت عطشان باوعت قوطية البيبسي مالتها عركانه من البرد ردت الاطفها و اتحرش بيها جريت القوطيه وصكيت عليها فد مره

كملت طلعت صوت من معدتي مال غاز اءءءءء

شهد..😳😳😦 هاك ومديتله اللفه باستهزاء😒

علي.. طبطبت عله بطني وكتلها لا شكرا شبعيت 😋

شهد.. لا لا يمعود اخذها شنو بقت عليها😕 وعطت بيه هســۣۙـۣۛـ❀ـٰٰهہ تشتريلي ثانيه😠

علي.. عود من انزل بعدني نعسان اريد انام ورجعت للفراش اتغطي ودرت وجهي😪

شهد.. ما ما ما اريد بيبسي هسه ما اخليك تنام😭 وصعدت علجربايه دفرته برجلي

ولنه جر رجلي واتكوم علسرير راحت اضلوعي لزمني شبكني من اديه ويكولي دفرتيني برجلج موووو

شهد.. علي علي لا لا وخر والله ضهري كام يوجعني هوه يلزمني واني احاول اوخر منه واتزحلك ويوكع ضهري من الجربايه ورجليه علسرير احس ضهري اتكسر تكسر بقيت اصيح اخ اخ اخ 😣

علي.. نصي صوتج شهرتينا بتل بتل 😂

شهد.. لك يوجعني اخخخخخخخ ومخليه ايدي عله ضهري

علي.. 😂😂😂😂 لج شكد فطيره انَـỲǑŲـْتي هسه اليسمعج ينحرف عقله اجباري😂😂😂

شهد.. وسم😡 العن ابو عقليتك المنحرفه غير كسرت ضهري 😠

علي.. لا عيب كسرت ضهرج شنو استحي حته ما لازمج اني ولا متقربلج لتشمرين عليه تهايم😂😂😂😂

شهد… عليييييييييييي😡😡😡😡😡

علي.. هههههههههههههه اوك اوك اتٲدبت

شهد.. عفت وطلعت من الغرفه ضحكت استغفر الله يا ربي شكد عقله منحرف هلولد ههههه وطلع وراي

علي.. ها شو تضحكين😂😂😂

شهد.. اهوووووو عفته ونزلت نزل ورايه كال

علي.. تعاي نروح نفتر اليوم اخر يوم النا بتركيا باجر احمل الشاحنه ونرجع للعراق

شهد.. انقبض كلبي من كال نرجع للعراق وين اروح ارجع لاخواني ارجع اجدي بالشوارع علمود اجيبلهم اللكمه

علي.. باوعتلها ضاجت كتلها الله موجود لتشيلين هم من هسه خليج فرحانه هنا تلحكين ترجعين وتشبعين قهر غير جو هنا ولتفكرين بشي ثاني عوفيها عله الله

شهد..اخذت نفس وكتله أوگيـ Ok ـٍہ

علي.. اخذتها و رحنا كمنا نفتر بشوارع تركيا افترينا بسوك اثري يسموه البازار كولش حلو بس مشترينا اي شي لا اني ردت حاجه ولا هيه طلبت

سٲلتها اذا تريد شي مقبلت عاد اشتريتلها مداليه بسيطه بيها ثينن متحاظنين كتلها هاج البسيها

شهد.. ياااي حلوه لبستها دا نمشي واكو واحد بقه يباوع عليه ويفتر حواليه استغفر الله يعني حته بتركيا زواحف… ما اهتميت سويت نفسي ممنتبها

علي.. من دنمشي حسيت الولد يبصبص عليها ما اعرف شبيه احس فار دمي جبتها من صفحتي وخليت ايدي عله كتفها ما اريد اتعارك وياه

اني الاتقاضه اعتبر غريب ابلده انوب هيه حته جواز ما عدها اتورط لو حجيت حاولت اعدي الموضوع بس بعده يلاحكها ونضراته تريد تاكلها

كتلها انتي مو علاساس تردين تتحجبين وينه حجابج

شهد.. عرفته انتبه كتله اااا ما إ؏ًٍْٓـــًٍِرفٰٰٰ اني نويت اتحجب بس ما اعرف شو عفته من ارجع للعراق اتحجب

علي.. لا هذا مو حجي جريت شال موجود كدامي بالمحل وخليته عله راسها كتلها استري روحج بسرعه بس النار ماكلتني ما اعرف شبيه

شهد.. فرحت لان حسيته مهتم وغيرته شالته عليه هه شفت غيره عنده الما شفتها عد اخواني لبسني الحجاب ابيده ابتسمت بوجها

علي.. دا البسها الحجاب باوعت بعيونها ابتسمت اووووف يكلبي مثل واحد محترك وشمرو عليه سطل مي رجعت ابتسمتلها وطبطبت عله كتفها وكتلها يله

اخذتها ومريت من بفرع بالسوك بس كولش ازدحام درت وجهي وهذا ابن الكلب بعده وراها وبحجه الازدحام يمشي وراها حشك جبتها وخليتها كدامي ومخلي ايدي عله خصرها وامشي

شهد.. استغفر الله ربي هذا شبيه 😐 بس غير تخبل غيرته تخرب ضحك كاتمه ضحكتي وامشي

علي.. دنمشي وطلعت روحي منه راح ارتكب بيه جريمه وعلي

اجيبها منا واوديها منا انوب اريد الفرع يخلص علمود نطلع نرجع للفندق ماكو ازحام كومه راد يمد ايده عله ضهرها هنا ما تحملت خلصت طاقتي

بنص الزدحام لزمت ايده لفيتها وكسرتها بسرعه بدون محد يشوف وفلتت بيها هوه كام يصيح ويرطن بالتركي اني جريت ايدها وكمت امشي سريع بالزدحام

بقه العالم ملتمه عليه وتريد تعرف شبيه كتلها ولج يله اركضي

شهد.. اووف من كسر ايده بنص الازدحام وجرني حيل يركض بيه خربت من الضحك اريد اركض ماكو بس اضحك

علي.. ولج فطيره اركضي راح ننكمش والله دركضي هههههه واضحك وياها بقينه نركض نركض

رادت تعثر لزمتها وكفنا اريد اتنفس من الضحك ماكو وهيه خربانه من الضحك الفطيره هههه

شهد.. اريد اجر نفس ماكو تعبت من الركض والضحك كعدت علرصيف واضحك كعد يمي باوعتله شبيك تخبلت ليش كسرت ايده ههههه

علي.. والله واكسر امه ويا ابن الدايحه يبصبص عله بنات العالم لا وانوب عينه صلفه ولا نزلها شكد ما منعته والله لو ابلدي وعله كاعي لا جان دفنته وعلي

شهد.. باوعتله بمكر هيج تغار عليه

علي.. ابتسميت وحكيت ركبتي من وره كتلها لااااا بس غير انتي تعتبرين بنت بلدي يعني عرضي وما اقبل واحد يتحارش بعرضي افني من الكاع والله

شهد.. يمه يمه فدوه😍

علي… ههههههههه

شهد.. جوعانه شناكل😐

علي.. تعالي ناخذ سندويشات من ذاك المحل

شهد.. اوك

علي.. يله كومي كمت وانطيتها ايدي جريتها كومتها ورحنا ناكل واحنه واكفين انوب باوعت الجسر قريب كتلها تعالي نروح نكعد جوه الجسر تخبل الكعده هناك بليل

شهد.. تمشينا والسندويشات بيدنا ناكل بيها بالطريق وكفنا جوه الجسر وكعدنه عله حافت النهر.. باوعتله مبتسمه وكتله شكرا

علي.. حاجتني واني منزل راسي والعب بالرمل باوعتلها كتله عله شنو

شهد.. اخذت نفس وباوعتله وكلت عله كل لحضه حلوه عشناها مع بعض

علي.. ابتسمت باوعت للسما جان الكمر كامل اخذت نفس وكتلها هذا الكمر يشهد عمري ما تونس ولا شفت لحضات حلوه غير بهليومين رغم التعب الطريق الشفنا

شهد.. تدري للحضات انسا وياك الصار بيه مرات اعتقدك حلم وما اريده يخلص وافز وارجع لواقعي

علي.. هلكد خايفه ترجعين لبيتج

شهد.. مو خايفه وانما تعبت منهم الشفته مو قليل باوعتله وكلت علي اني بنت دلال وعمري ما عشت فد يوم ناقصني شي

جانت طلباتي اوامر جنت ملكه بوجود ماما وبابا بخلال شهر واحد فقدت اخويه وامي وابويه والا شوي جان فقدت شرفي

علي دتفتهم عليه شكد صعب اللي عشته بقت دموعي تنزل من اني احاجيه مو سهل موسهل علي قبل سنه اني جنت بحضن ماما وبابا واليوم ما اعرف الدنيا وين موديتني

جر راسي وخلا عله صدره ويمسح لشعري ويجر حسرات واني ابجي واكوله علي اني مو كد الحمل والله ما اكدر اتحمل كل هتعب والله ما اكدر وانفجرت بالبجي بين اديه… يتبع

🌺🌺🌺

Loading

ما مدى تقيمك ؟

انقر على نجمة لتقييم ذلك!

متوسط التقييم 5 / 5. عدد الأصوات: 3

لا أصوات حتى الآن! كن أول من يقيم هذه الرواية.

كما وجدت هذه الروايه جيده ومفيده ...

تابعونا على وسائل التواصل الاجتماعي!

هل تبحث عن المزيد؟

Leave a Comment

اهلا وسهلا بحضراتكم