2K
البارت العاشر
شهد.. من عرفت اخوتي عافوني وبقيت وحدي خليت اديه عله عيوني وكمت ابجي وما احس الا ايد تخلت عله كتفي
علي.. حبيبي واني وين رحت تحتاجين اخوتج واني موجود
ام حسين.. يا فدوه انته زوجها خاله
علي.. اي نعم زوجها
ام حسين.. كل الهلا بيك خاله علراس والله خير من ناسبت شهوده ورده مال الله واهلها ينحطون علجرح يطيب بس الله ما كتبلهم حياة فدوه يمه ديربالك عليها ما الها غيرك بعد بهلدنيا
علي.. بعيوني اخليها خاله.. لما كعدت من النوم صحت عله شهد ماكو بالبيت طلعت وسمعتها واكفه ويه مره وسمعت كل الكلام الدار بيناتهن
انقهرت عليها كلش من شفتها كامت تبجي حييل اتقربت وخليت ايدي عله كتفها لحته احسسها انو هيه مو وحيده
عرفت نفسي كدام المره عله انو اني زوجها لحته محد يجيب اسمها بالموزين واخذت شهد ودخلتها للبيت
شهد.. علي اخوتي راحو راحو وتركوني علي شسوي وخليت اديه عله وجهي وابجي
علي.. ترحين ويايه البيتي
شهد.. وخرت اديه وباوعتله انته شبيك اتخبلت وين اروح
علي.. ما سمعتي ترحين البيتي اشلون ترديني ابقيج هنا والله ما اعوفج لو اعرف اسحلج سحل واخذج وما ابقيج
جانو اخوتج بالبيت ورادو يعتدون عليج لو بقيت وحدج شيسوون بيج
شهد.. علي صعب ما اكدر اروح وياك شلووون ما ترهم
علي.. ترهم ترهم شهوده غمزتلها واتقربت منها ومسحت ادموعها ورفعت راسه باصبعي شهد افهميني ما اكدر اعوفج الله جابج وخلاج بطريقي لحته يوضحلي انو انتي مسؤليتي اقفلي البيت وتعاي وياي
شهد.. علي صعب
علي.. لا صعب ولا شي يله يله لمي هدومج ولا اكولج اني جوعان سويلي عمّيه 😋
شهد.. هههه استغفر الله ولا تبطل سوالفك كمت كتله هسه اسويلك اخذت برتقاله من العلاكه وشمرتها عليه لهي نفسك بيها عله ما اجهز الريوك
علي.. اووووووكي يم يم 🍊🍊🍊
شهد.. رحت للمطبخ وكفت وابتسمت عجيب هلولد يجبرني اضحك لو الدموع ماليه عيوني.. هديه من الله اجاني هلعلاوي رَبّـ❤ـيٌ يحفظه
حاولت اسوي ريوك واني ما اعرف اطبخ😢 سويت بيضه ونسيت الملح 😁 وسويت الجاي اسود فحم😐 اي يله الهم اسمه اكل شنو ضروري الا طيب المهة يتعبه الكرش 😁
خيليته بصينيه ووديته كدامه..
علي.. كاعد اكلب بموبايلي وافكر بيها شلون اخذها وشٲكول لاهلي اني من كربلاء وشويه اهل الجنوب صعبين بهلامور
مال تجي بنيه ما ينعرف اصلها ولا فصلها محد يتقبلها بس ما اكدر اعوفها حته لو اعقد عليها واعوفها اجت جابت صينية الريوك وخلتها كدامي
كتلها متاكلين كالت
شهد.. لا اكلت عنب هوايه واني اطبخ نسدت نفسي
علي.. همممم مديت ايدي اكلت من البيض خليت الكمه 😳😣 كوه بلعت ريكي ما بيه قطرة ملح 😑باوعتلي
شهد.. ها مو طيب
علي.. لا لا عاشت ايدي كولش طيب ما ردت اكسر بيها مبينه بنية دلال ما تعرف للطبخ اخذت ستكان الجاي شربت او كمع وغصيت 😳😳😣😑
ثكيييييل يغصص ولج شمخليه كيلو چاي 😑 كالتلي ها شبيك كتلها لا ماكو شي عاشت ايدج والله كلش طيب بس اريد مي
شهد.. اي من عيني
علي.. اتجرعت الاكل كوه واكلته حته لا اكسر بخاطرها وكتلها حضرتي ملابسج كملتي
شهد.. اي كملت
علي.. يله رحت للشاحنه اخذتها ومشيت
شهد.. علي شراح تكول لاهلك لو سٲلوك منو هاي
علي.. ما اعرف عوفيها يم الله كولشي بوقته حلو
شهد.. علاوي راح اسببلك مشاكل وهوايه احراجات اذا ما ت… .قاطعني
علي.. شهدددددددد قطعي الموضوع كتلج انتي مسؤليتي وما راح اتركج الا عله جثتي والله
شهد.. ربي يحفظك ويخليك.. اخذت نفس وصلنا دخلنا كربلاء كال
علي.. عدلي حجابج والبسيه عدل ما اريد ولا شعرايه تطلع
شهد.. ليش راح نروح لمرقد الامام الحسين
علي.. ههههه لا ليش تردين اخذج للامام الحسين
شهد.. لا لان كلت عدلي حجابج
علي.. هااا ههه باعي شهد كربلاء وحده من محافظات الجنوب واهم صفه بٲهل الجنوب ستر نسوانهم ما عدنا مره تطلع بدون حجاب او عبايه ابد
لازم تتعودين عله هلشغله
شهد.. بلعكس الستر شي عظيم والعبايه ستايل حلو
علي.. ستايل😒 حته بالعبايه ادورين استايل
شهد.. اناقة المرٲه متتوقف عله لبس معين حته لو كانت عبايه بالترتيب والنضافه يصير ستايل حلو
علي.. ههههه انشالله بس نرجع ونرتاح اخذج للامام نزور وهناك اشتريلج عبايه وتبدين لبسها بمرقد الامام واطلبين سترج منه
شهد.. يااااااي يعني حنزور الامام الحسين 😃
علي.. ليش ما زايرته
شهد.. لا بس بالاربعينيه نجي وكلشي ما افتهم من الزياره لان ضخمه حيييل وازدحام ومندخل المرقد نزور من بعيد لان يكون مزدحم بالرياجيل
علي.. اي صح انشالله اشبعج زيارات منا وهيج ادللي
شهد.. ياااا فديت 😍
علي.. وصلت قريب الشركه وكفت كتلها شهد باعي انزلي لهذا المطعم واطلبي اكل ولا تكومين لحد ما ارجعلج افتهمتي
شهد.. ليش وين رايح
علي.. رايح اسلم الشاحنه للشركه واستلم تعبي لا تتحركين ابد لحد ما ارجع صار معلوم
شهد.. عووولم سيدي واخذتله تحيه و نزلت ودخلت للمطعم اباوع آمـⅇℳℳـم اخاف ادخل وحدي رجعت باوعت عليه ابتعد بشاحنته
يله لازم اتقوه واعتمد عله نفسي دخلت المطعم وكعدت واحس العيون تريد تفترسني لان وحدي اخذت موبايلي وسويت نفسي اتكلم اتصال
(ها ابو عبدلله جاي يله مو متت جوع متانيتك بالمطعم حبيبي ) اتعمدت اوضح صوتي لحته اوصل فكره انو دا انتضر احد😔
اجه الكرسون راد طلبي طلبت صاج لحم وقوطية بيبسي راح جابلي الطلب واجه… فتحت موبايلي رحت للواي فاي لكيت شبكة الانترنت مال المطعم بدون باسوورد
كنكت وكمت اتصفح مر تقريبا ساعه وعلي لسه ما اجه رجعت طلبت عصير كوكتيل وكعدت اراسل صديقاتي صار شكد ما حاجيه وياهن من قبل وفاة بابا
خطيه كامن يعزني ويواسني وكالن شهد ارجعي للكليه كتلهن اتزوجت بعد ما اكدر اتفاجئن لان كلت ازوجت كتلهن اضطريت دا احجي واجه علي
علي.. ها اتٲخرت
شهد.. لا عادي اصلا مندمجه بالموبايل
علي.. اتغديتي
شهد.. اي طلبت صاج لحم وبيبسي وهسه طلبت كوتيل
علي.. عافيات ..استلمت خوش اجر هلمره مليون دينار
شهد.. ابتسمتله تصرفهن بالهنا الله يرزقك
علي.. ابتسمت شكرا ..طلبت اكل اكلت بسرعه وكمت كتلها يله خل نروح
شهد.. بيتك قريب منا
علي.. مسافة نص ساعه ليش
شهد.. هيج دا اكول
علي.. هممم تحتاجين شي قبل لنروح
شهد.. مثل شنو
علي.. ما اعرف خاف بنفسج شي
شهد.. لا لا تسلم متقصر
علي.. يله اخذتها ورحت للبيت دخلت باوعت😳 عوووع البيت خيسه 😷 مينطب فشلت منها شكد عيب انوب اني من راحت مرتي
صار شهر اكل وما اغسل مواعين باقيات متكومات علسنك كتلها اعذريني تره ما منضف تعرفين المره زعلانه صار شهر واني رجال ما ادبر امور البيت
شهد.. ههه لتهتم عادي هسه انضفها
علي.. لا لا شتنضفين اني هسه ادز عله خدامه عدنا بالفرع تشتغل بالبيوت تجي تنضفه ارتاحي
شهد.. علي هاي من اولها دتحسسني اني غريبه
علي.. لا والله مو قصدي هيج بس ما اريد اتعبين بيهن
شهد.. ومنو كالك اني تعبانه روح ارتاح و معليك اني عليه الباقي
علي.. اوك شهد لعد اخذي راحتج بالبيت اني بس اروح اشوف اهلي وارجع خطيه هسه الكه امي طاك كلبها عليه
شهد.. اخذ راحتك.. راح باوعت للبيت حلو وصغير وبنائه مرتب بس ابد ممعتني بيه اول شــّـّ❓ـّـّي بديت بالمطبخ خليت الهيتفون بٲذني عله اغنية شيرين
( حبيتو بيني وبين نفسي ومٲلتلوش عل اللي بنفسي ما اعرفش ايييه بيحصلي لما بشوف عنيه)
ابتديت اغسل بالمواعين كملتهن نشفتهن وصفطتهن بمكانهن غسلت المطبخ والسيراميك مالته كله دهن كملت بخلال نص ساعه
اتوجهت لغرفته فوك فتحت الشبابيك طلعت كل ملابسه الوصخه خليتها بسله وصفطت الباقيات حته ملابس مرته جانت هوسه صفطتهن بخانته وغيرت شرشف السرير
وشلت الزوليه ومسحت الكاشي بديتول ومعطر ارضيات صارت ريحة الغرفه منعشه طلعت مسحت الممر مال الدرج واخذت سلة الهدوم ونزلت
حطيتهن بالغساله وترستها مي وتايت وشغلتها وطلعت رحت للصاله طلعت الزوالي جريت التخم مسحت الوراه ورجعتهن كملت مسحت الكاشي بديتول ومعطر
انوب رحت للميز والتلفزيون والتخم بقماش نضيف مسحتهن صارت الصاله تلمع وغيرت ديكور التخم والتلفزيون حولته صار ارتب
سمعت الغساله صفرت رحتلها طلعت الهدوم شلتهن شطفتهن وخليتهن بالنشافه عله ما هنه بالتنشيف غسلت المغسله والحمام بماده اسمها فلاش قاصر مال حمامات
صار ابيض بعد ما جانت الكاع والحوض لونه بني من كد الوصخ اخذت السله ومسحت الممر وسديت الباب علمود تنشف الكاعيه
اخذت الهدوم اشرها برا ردت اغسل الفراشات ماكو ما اندليت الصونده صفطتهن وخليتهن وره البيت وغسلت الطرمه بسطل انكل مي واشمر وامسح لحد ما كملت كولشي بساعتين اخذت هدوم ودخلت للحمام اسبح
علي.. رحت لاهلي استقبلوني خطيه امي رادت تبجي من شافتني عبالك مفاركها سنين ولا جنها اسبوع بقيت اسولف وياهم انوب امي جابت سيرة ميعاد
الام.. شنو يمه ما ناوي ترجع مريتك
علي.. اهووووو يوم رجعنه لهسالفه.. لا ما ناوي ارجع
الام.. يمه ما يصير لخاطر ابنك خطيه شنو ذنبه
علي.. ذنبه عنده ام رعنه
الام.. يمه اذا هيه الرعنه خليك انته الفطن واستر عله بيتك ولا تهجمه وليدي
علي.. اهووو يا يمه كل ما اجي يمج لازم تسمميني بهطاري ما اريدها هيه كوه
ما تنحب شايفه روحها شوف جانت عندي السيف ما يكص خشمها وتدلل عليه ادلل ومن تروح زعلانه وما اكلبها تبقه تتوسل بالرايح والجاي في سبيل ترجع
اذا هيه هلكد خايفه عله بيتها شكو تهجمه وتطلع يطبهم مرض شيجي من ايدها الله يزيدها
الام.. بس يايمه…
علي.. لا بس ولا حس اكوم اروح اشرفلي انتي الضاهر يمه ما راح تجوزين من هلسالفه
سلمت عليهم وطلعت رحت للبيت دمي فايره من وره ميعاد الكلبه الله يخلصني منها بجاه الحسين لعبانه روحي منها بس الكاسر ضهري عليها ابني والا اني من زمان مطلكها
دخلت كراج البيت مغسول ويلمع يمكن صار سنه ما شايفه بهلنضافه فتحت باب البيت ودخلت وريحت العطر طكت بخشمي
اباوع البيت يلهث وشايله الزوالي والكاشي يلمع تكول مرمر معقوله هذا بيتي لا لا ما اصدك 😕قبل شويه عفته زباله هسه الكاه يلمع
صعدت للغرفه اباوع للغرفه من كد ما رريحتها طيبه وبارده ومنعشه بدك بس تنام بيها وترتاح
فتحت الكنتور هلله ملابس كلها مصفطه ولكم ما متعلم عله هنضافه راح اموت من الصدمه😥 مدري من الفرحه😐
نزلت سمعت صوت من الحمام دا ادك الباب انفتحت… يتبع
🌺🌺🌺
