يا بعد كل معاناتي

by SevenStory
11 minutes read

5
(3)

البارت عشرون والٲخير
علي.. دخلت الغرفه ضلمه دا اتلمس اريد افتح الضوه اشتغل اباوع غرفه بيضه ضخمه تخبل وفراش احمر والورود بكل مكان ابتسمت

لج لاااااااا والله جنت ناوي اني اشتريلجياها مو انَـỲǑŲـْتي

شهد.. يعني اضل اكول ماكو فرق بينك وبيني ثنينه واحد اخذته من اديه وكعدته علسرير وكتله اموت عليك وتره الماديات مو بعيني المهم احنه مرتاحين

علي.. اخذت نفس امووووت عليج

شهد.. واني اتنفسك واموت بلياك احبببببببك و_______💏

كعدت الصبح عله صوت موبايل علي رد كال عرس عمار هاي الجمعه ..يعني بعد 5 ايام ..نزلت نضفت اشتغل وميعاد كالبه وجها

ما درتلها بال حسام خابرني كال شهد اريدج ويايه بالبيت نقل الغراض مال ذاك البيت كله هنا رحنا اني ورشا نضفنا البيت

وفتح محل جبير مال مواد منزليه و غذائيات ومخضر وعلي اشتغل وياه اتعاونو سوه عله ادارته امورنا رجعت تمام

رجعت للكليه مالتي وفرحت حيل كام يوصلنا حسام يوميه اني ورشا 😒 بحجة ما يٲمن علينه بخط عد الغريب .. خوش دروب استاذه حسوم😒

انوب اكعد وياهم بالسياره الحقير يغازلها كدامي ويدزلها بوسات بالهوا وهيه تضحك الادبسز 😬

لا ويشغلون اغاني ويغنون البعض واني كاعده هيج شكلي😐

صار يوم العرس ميعاد كالت العالي اريد اروح منك ويه خواتي اجي اخذها ووداها واني بقيت بالبيت خابرته

كال حبيبي اجيج بالوحده تره النسوان كلها داكيها كرب ارتاحي هناك ارجعلج الضهر نبدل ونجي كتله ٱפگـيہ براحتك

دخلت الحمام سبحت نشفت شعري سرحته حيل ونزلته ولبست فستان مخصر فد مره و طويل لون ه جوزي ملمع خشن الملمس وبيه فيكه وصله علوسط ومكشوف الايدين

لبسته صار يكتل يخبل مكيجت عليه بني بدرجاته ودمجتهن خليت عدسات لون كرين ركبت ارموش وخليت المسكاره

حطيت حمره مات لو احمر غامق عله اسود حددت ملامح وجهي بالكونتور صرت غير وحده ابد ما انعرف

رحت حضرت ملابس علاوي ورشرشتهن عطر وحضرتله كولشي يحتاجه كاعد اعدل بيهن فتح باب الغرفه

علي.. ولج انتي منو 😳😳😳😳😳😍

شهد.. هههههه الجني مالتك ووووو👽👽👽

علي.. لك بويه اني اليوم العريس هله هله بروح اهلج فد ربع ساعه واجر بيها اريد… 💏

شهد.. خب دروووح صار ساعه ادمج واخبط والبخ وتالي تخربلياها وعلي غير ادفرك

علي.. اويلي ياب صارت تحلف وعلي😂😂😂

شهد.. ههههه من عاشر قوم صار منهم ..دبدل يله بسرعه باع حالك شصاير هاي كاربين عليك

علي.. ولج غير عرس اخوي يكربون علي شنو اني المعزب بيه بس خطيه حسام كربوه اكثر مني لسه بعده بالعرس يكرب

شهد.. عمت عيني عليك يا خويه استكوو عليك

علي.. لا والله وكفته حلوه ما انساها اله دكول واحد من عدنه حيل تعب

شهد.. طبعا اذا اني اخته هوه شيطلع😎

علي.. اي خطيه اخته الفايخه النسوان هناك ماتن من الكرب وانتي هنا تملطخين بوجهج.. سٲلني عليج مرتك وين تستنكف تجي ويانه

كتلهن لا ما اريدها تتعب هسه ..اريد حيلها تذبه وياي بليل كامن يتضاحكن

شهد.. هههه عابتلك .دبدل يله مو اتٲخزنه.. دخل بدل وطلع اباوعلها يبوووو جنه حلاوه لابس قاط كلاسيك نيلي والبدي احمر ياكل ويشرب عليه

اتقربتله كتله ياحلو ممكن ربع سَـآعــهْْ 😳😍

علي.. لا لا عيب امي ما تقبل قبل الزواج 😛

شهد.. حبيبي والله اخاف عليك من العيون تخبل لحضه ..رحت كتبتله المعوذتين بورقه وخليتها بجيب الستره مالته ضحك باس راسي وكال يله

طلعنا وصلنا للعرس دخلت استقبلتني رشا عرفتني عله كريبهم شفت ميعاد وخواتها كاعدات

عوووع 😷 خابصته و24 ساعه تحجي بيهن وزناكيل ومليانات تالي هيج لابسات دراعه وحده خضره والثانيه نيلي والمكياج بويه تكول سبوره

وكفت بنص الحفله ويه رشا وهنه كلهن كاعدات وكم ابنيه يركصن بالوسط رشا طلعت اغنية (خاله يم علي ويم علي خاله) كتلها سوي درب هلاغنيه عله علاوي

طبعا اني محترفه بالركص شتردون اركص كاولي هجع دبج مصري مقسم زومبي ماكرينا كلشي وكلاشي من جنت فايخه ابيت بابا

جنت اخلي الفون بالتلفزيون واطلع ركص واتعلم وياهم .. نزلت بنص ركصت كاولي بدكة( الهز والكمز والشعر) بقه الكل يباوعلي وصافن عله ركصي( شو خاله ملتمات كلجن عله هواي جبته برشيح العين ومرادف چلاي وخاله يم علي ويم علي خاله👏👏💃💃)

دا اهز ولمحت علاوي يباوعلي من المرايا خزرني يمكن كلبي وكع يم رجليه من الخوف بخزرته اشرلي اجي

دخلت الغرف فارغه مخلين بيها الاكل لزمني من ايدي لج ادب سز واكفه تهزين بيناتهن اني ما راكصتلي هيج

شهد.. علوشي هوه اني قابل كدامن راكصه تره كولهن بنات والله ..وادلع بالحجي علمود ليعصب😥

علي.. تدلع واني روحي مستلكه دفعتها وبوستها حيل تحاول تبعد بيه بس ابد لاطش😜

شهد.. فارت روحي من بوسني خرررررررب ادفع بيه ماكو شقواته😓 اخر شي انطيته ضربة رجل بالوسط كمز

علي.. لج اااااااخ خرب بيج جهالي راحو وعلي.. شلون تضربيني هيج خبله انتي

شهد.. تستاهل شوكت ما عجبك اخذت راحتك ..اوووووف يا علي اووف يعني لو ما الحمره مات ثابته لا جان سويت وجهي ماعون مركه ..عفته ودخلت

لشوي كالو يله زفه لبيت العروس لفيت الحجاب والعبايه طلعت الشارع وعلاوي لزم ايدي كال اكمزي للسياره بسرعه قبل لا يجي واحد يلطش ويانا

اني ما كلت باطل افلتتتتتت🏃🏃 كعدت بالسياره صعد ومشينا والطريق كله مشغل ردح انصرع راسي 😲 ويتسابق ويه السيارات الباقيه مال العرس

فات واحد طلع من السياره يهز باوعله كاله الله ربك بختك شكبره امخلي المره يمك كاله احترررركو وداري وجهي يكولي حركيهم شهوده

كتله شسوي كال بوسيني اتقربت ابوسه بخده اشو هذا دار وجه وباسني ب💋 خرررررررب والله استحيت انوب بالشارع 😶😶 وذوله خبصو الجو بالصياح والضحك والهورنات

وصلنا نزل علاوي كام يدبج ويهوس ويه الشباب اخذنا العروس وطلعنا بس بالجيه امه صعدت ويانه عود صار مؤدب 😊

وصلنا البيت بقينه نركص ويه العروسه صار العشا وزعنا كاعد اوزع جان تجر ايدي مره عجوز كاعده ويه شلة نسوان تكولي خاله انتي مرت علاوي الجديده

كتلها اي اني خاله.. كالت خاله صدك عاجر وما تخلفين ..صفنت بوجها كتلها لا خاله منو كال هيج اني مو عاجر.. كالت يا خاله كلها تحجي مرت علاوي الجديده عاجر ومتخلف

اختنكت من حجايتها صدوك صار 3 اشهر عله زواجنه ليش ما صار عندي حمل بقت الدمعه بعيوني ما اتحملت طلعت ادور علي ماكو لكيت حسام واكف برا

كتله اريد اروح للبيت تعبت اخذني وصلني للباب ورجع دخلت كبل لغرفتي غسلت وجهي ولميت شعري وبدلت ملابسي وبقيت ابجي بفراشي

علي.. لكيت رشا واكفه صحتلها كتلها صيحيلي شهد كالكت شهد راحت من زمان اخذها حسام ..كتلها شبيها هاي ليش هيج راحت ..بسرعه شغلت سيارتي ورحت للبيت

دخلت البيت اضلم صعدت الغرفتها سمعت صوت بجيها فتت شغلت الضوه وكعدت اخذتها الحضني كتلها شبيج حًِــℓσνєـًِبٌُيُ ليش هيج عيونج الحلوه تبجي

شهد.. علي اني صدوك عاجر

علي.. هاي شدتخربطين شنو عاجر حبيبي ما صارلنه فتره من تزوجنا وينا وين الاطفال خل نستقر بالاول ..هاي اكيد االلي بالعرس سمعنج هلحجي

كالت اي ..كتلها حًِــℓσνєـًِبٌُيُ لا تهتمين لان ميعاد تصير من كرايبي لذلك كلها تحبها اكيد راح يضوجون منج معليج بيهم يطبهم طوب

كومي كومي غسلي ..اخذتها للحمام غسلتلها ورجعتها للفراش نومتها ..رحت لميعاد جبتها وجيت كتلها انتي هيج مطلعه كلمه عليها

كالت لا كتلها لو عرفت الج ايد بيها اكبر واحد ميخلصج من اديه

رجعت صعدت لشهد خليتها عله ايدي ونمت

شهد.. بعد يومين من العرس جنت بالبيت جان تجيني مسج علواتساب فتحته لكيت فيديو فتحته باوعته هاي اني لما جنت اركص بعرس عمار

يبوو شلون خزي هذا مـّــʍՂՕـنــو انوب اجت رساله ثانيه اذا متعوفين علي وتطلكين قسم بلله هذا الفيديو ينزل عله كل مواقع الانترنت هسه

اتخبلت يربي منو هذا انرعبت ما احس الا لميت هدومي ورحت لبيت حسام ابجي كال شكو شبيج كتله هيج وهيج

كال اكيد واحد من اهله مسوي هيج لان يكرهوج كتله ما ادري حسام ما ادري اتخبلت شسوي هسه

كال ما كلتي الرجلج كتله حذروني لو كلت وعلي عرف بسالفه ينزلون الفيديو بسرعه حسام شلون الحل فهمني

حسام.. بقيت اصيح.. اي يا شهد اكو وحده تتمركص بعرس والناس تصورها ما خفتي واحد يصورج يشوفج ..اوووف احترك دمي ياربي شسوي ومنو هذا

علي.. رجعت للبيت مثل العاده كبل لغرفة شهد دخلت ماكو هيه وينها هاي فتحت دا اخذ هدومي شفت ملابسها ماكو

نزلت الميعاد كتلها وين شهد كالت ما اعرف اخذت جنطتها ولبست عبايتها وطلعت كتلها وين رايحه ما ردت عليه عفتها

احس الدم بجسمي فار ضربت الباب ورحت لبيت حسام دكيت الباب كتله شهد يمك كال اي هاي جوه

كتله باي حق تطلع بدون علمي وصحت ..شهدددددد

حسام.. لحضه لحضه علي مو هيج الحجي خويه اختي واحد مهددها اذا ما تطلب الطلاك منك راح ينتشر الها فيديو علنت

علي.. شلون شلون فيديو شنو

حسام.. لما جانت تركص ويه النسوان بالعرس مال اخوك واحد مصورها وديبتزها بيها.. علي اخذها مني والله بلله لو هيج فيديو انتشر لا ومحمد اخلي الدم للركب.. روح اسٲل اهلك منو ما رايدها ويريد يطلكها منك

علي.. هاي شبيك حسام اعرف شلون تحجي وياي اهلي شنو ..قبل ما تكون عرضك هاي عرضي وعرض اهلي ..اهلي يبيعون عرضي شبيك تخبلت

حسام.. اي لعد دكولي منو ه̷̷َـَْـُذآ السكط ..علي يريدها تبتعد منك يعني اكيد منكم روح اسٲل اهلك.. وها محذريها لو انته عرفت الفيديو يتنزل بسرعه

علي.. لك اكفر منو هذا راح انجن …كتله لتكول لاحد ..وانطيني موبايلها ..اخذت موبايلها اخذت رقم الواتساب ورحت للشركه مال الاتصالات

كالو نسوي بحث عله هذا الرقم ونعرفه منو كالو تعال باجر اوووف يابه شيصبرني لباجر دخلت سٲلتني ميعاد كتلها مريضه تريد ترتاح ابيت اخوها

نص الليل اباوع لفراشها الحركه كاتلتني والدمعه بعيني خابرت عله حسام مشغول اوووف هسه وكتك

لشوي دك حسام كتله اريد احجي ويه شهد راح انطاها الجهاز ردت علي كالت الو وصوتها مبحوح من البجي كالتلي ها حبيبي

علي.. من الله ياخذ حبيبج واخلص وعلي زعلان منج وروحي طالعه لو صدوك اني حبيبج جان خابرتيني وتكوليلي بالموضوع

مو تنهزمين بدون علمي وترحين لاخوج مو عله اساس اني كل اهلج تاليتج تعوفيني مثل الاطرش بالزفه وترحين

شهد.. علي والله خفت خفت تفتهم ما اريد اخسرك طلعت واني بلا وعي والله علي شلووون راح تنحل والله خايفه

علي.. اوف لو بس الزمه لا وعلي امحي محي من الكاع كتلها ما انتبهتي منو اللي صور بيومها كالت ما انتبهت والله

كتلها كله منج واكفه تتمركصين بدون لا خجل ولا مستحه

شهد.. قابل راكصه بالشارع كلها واكفه تركص وركصت وياهم شنو كفرت ..علي والله ما اتحمل

علي.. اصبري وديت الرقم للشركه وباجر يطلعولي صاحب الرقم

سديت الخط من عدها اريد عيني تغفى وتنام ماكو بقيت صاحي للصبح رحت للشركه انطوني اسم ما اعرفه

اخذت الاسم ورحت لاخوتي علاء عنده علاقات هوايه بقه يبحث وياي الى ان عرفنه صاحب هلاسم يصير اخو زوج اخت ميعاد اهنا اتخبلت

ما رحت للبيت كبل طلعت البيت اخت ميعاد طلعتلي هيه كتلها اريد زوجج صيحي كالت شكو كتلها اريد استشيره بمشروع عمل

طلعلي زوجها كتله رقم واتساب تابع لاخوك يهدد مرتي ينشرلها فيديو بعرس اخويه مصورها

كال مستحيل اخويه منين يعرفكم كتله ما اعرف رحت للشركه وطلعلي اسم اخوك باوعلي وعلي لو طلع هيج فيديو ما تخلصون وذبحكم واحد واحد يصير عله ايدي

كال لحضه نروحله ونفتهم منه السالفه رحنه لاخوه كال مو الي اني اشتريت لمرتك كلفتني اشتريلها سيمكارت صار 3 ايام واشتريتلها وانطينهيا

زوجها كال والله لو طلع الصوج من مرتي اطلكها كدامك رحنا كتله لتحاجيها كلها تعاي عازمنا علي ابيته اكيد ميعاد متورطه وياها بالموضوع

راح زوجها وجابها ودخلنا البيتي واخذ موبايلها واني كتلها ميعاد اريد موبايلج كالت شتسوي بيه اخذتها من ايدها وكتلها وينه انطتنياه بصدرها

كعدتها يم اختها ولزمت المسدس كتلها ومحمد اذا متكوللي الحقيقه اهنا ادفنجن بقن يتباجن وما يعترفن والله مالنه شغل والله ما نعرف شي

ثرت طلقه جبتها بالجام اتفلش والصوت هرج الدنيا سحبت ميعاد وخليت المسدس براسها كتلها ولج تحجين لا والكعبه الطلقه انيمها براسج

اعترفت بكولشي وانطتني الموبايل اللي هددن شهد منه كتلها انتي طالق زوج اختها هم دار وجهه عله مرته وكالها انتي اللي ردتي اتشمرين المصيبه براس اخوي وتسويها دم بيناتنا ما انتي مرتي وانتي طالق

اخذناهن وشمرناهن عله اهلهن واخذت ابني وهوه اخذ جهاله من زوجته وديت ابني لبيت اهلي ورحت لبيت حسام

كتله حليتها طلعت ميعاد واختها وره الموضوع وطلكناهن واخذنه جهالنه منهن وين شهد

حسام.. علي انته رجال عاقل وتفتهم شلون تريد ارجع اختي عله ذمتك وماكو شي يثبت زواجها اختي اذا ما تضمن حقوقها ما الك مره يمي

كتله والله حقك اني شلون فاتتني هلسالفه رحت لاهلي اتفقت وياهم عله زواجي منها رسمي وكدام الناس كلها

ابوي كال تعال نروح نتعذر من اخوها ونطلبها من اول وجديد منه رحنا كعدنا وهيه كاعده كاله ابوي هيه مريتنا بس الامور اختبصت وما كدرنا ناخذها منكم حسب الاصول وهسه جايين نطلبها منك

حسام.. ضحكت كتلها انته تفصل واحنه نلبس بس الي يمك طلب كال اامر كتله اريد بنتك عله سنة الله ورسوله زوجه الي

كال والله والنعم منك بس نشوف البنيه وناخذ رايها ونردلكم خبر

علي.. من كال هيج صراحه صار عندي قلق هوه جان شراب عرك ومخدرات شلون انطيه اختي الوحيده

رجعنا للبيت اخذت رشا عله صفحه وكتلها هوه هيج وهيج انتي موافقه عليه دنكت كتلها احجي اريد جواب كالتلي علي صراحه اعرف بكل ماضيه واني قابله بيه

كتلها بيناتكم شي احجي سكتت عرفت بيناتهم علاقه اخذت نفس كتلها بكيفكم بعد اذا تحبون بعض الله يوفقكم احسها طارت من الفرحه بستها من راسها وكمت

رحنا عقدنا اني ورشا وشهد وحسام سوه بالمحكمه وقررنا المهر واشتريتلها النيشان ومتاني يوم العرس سويناه بقاعه

كتلها تلبسين بدله ام الحجاب هيه ما كالت شي قبلت بيوم العرس جنت طاير شوكت اشوفها متت عليها مشتاقلها اول مره افاركها هلكد دخلت مخلي ايدي بٲيد رشا

وحسام لازم بٲيد شهد ونباوع لبعض لحد ما اتقربنا سلمته رشا وانطاني شهد

شهد.. احس الفرحه ما واسعتني من كد ما فرحانه بيه وهو كبال عيني بقاط العرس اتقدم انطه رشا لحسام وحسام شال ايدي وخلاها بيد علي

بقينه نركص سلو بنص وهوه يباوعلي ومبتسم اتقربت من اذنه وهمست حبيبي اني حامل

علي.. فتحت عيوني عله حيلهن وكتلها صدوك صرخت ياهوووووو عروستي حامل شلتها وافر بيها بنص القاعه والدنيا اجتضت بالضحك

شهد.. علي نزلني والله راح اوكع هههههههههه

وهيج انتهت قصتي ويه علي وربي جازاني بعد كل معانتي برجل اعتبرته ملك وخلاني اميره بحبه 💏

🌺🌺🌺🌺🌺

ولهنا حبايبي انتهت قصتي اتمني استفدتو منها بكد مستمتعتوا بيها صح عانت وتعبت لكن ربكم ما يبقي غيمه سوده ولابد فد يوم تطلع شمس وتنور دنياكم

حبيت انطي فكره للبنيه كيف بحبها ومعاملتها تكسب الرجل لصالحها ميعاد بانانيتها خسرت علي وشهد بحبها ومساندتها اله فازت بيه

وحبيت انطي فكره للرجل لا تفكر تثبت رجولتك عله بنيه انته ممنطيها حق انوثتها اكسبها بحبك بكلامك عاملها مثل ابوها لا تكسر ثقتها بنفسها ولو غلطت كون وياها وصلح غلطها مو عليها وتكسرها

اتمنى قضيتو معاي اوقات ممتعه اتمنالكم عيد فطر سعيد ويارب يجعل ايامكم كلها حب وسعاده مع تحياتي الكم الكاتبه زينب ماجد🌹

Loading

ما مدى تقيمك ؟

انقر على نجمة لتقييم ذلك!

متوسط التقييم 5 / 5. عدد الأصوات: 3

لا أصوات حتى الآن! كن أول من يقيم هذه الرواية.

كما وجدت هذه الروايه جيده ومفيده ...

تابعونا على وسائل التواصل الاجتماعي!

هل تبحث عن المزيد؟

Leave a Comment

اهلا وسهلا بحضراتكم