يا بعد كل معاناتي

البارت الرابع عشر
علي.. سديت الخط من علاء كتلها مضطر امشي ابوي يريدني

ما مدى تقيمك ؟

انقر على نجمة لتقييم ذلك!

متوسط التقييم 5 / 5. عدد الأصوات: 3

لا أصوات حتى الآن! كن أول من يقيم هذه الرواية.

شهد.. شنو كلساع. شطلعت

علي.. شمدريني خل اشوفه شيريد هلمره انطيني بوسه حبيبي خل اروح بستها بخدها وطلعت

رحت لابوي حجيت وياه بعد الرزايل والمقبلات والحبشكلات واخوي علاء يتوسل بيه علمود يهدي ويكوله خيولي هاذ لترفع ضغطك علموده 😒

اخر شي قرر يرجع ميعاد نفرت كتله لو اخر يوم بعمري ما ارجعها ما اريدها

علي.. يابه تمون من ايدك هاي الايدك هاي بس ميعاد ما اريدها تلعب روحي منها..

حاولت وياه كام يغلط ويسب ويصيح خفت ضغطه يصعد غمزلي علاء بمعنى روح..

عفتهم وطلعت رحت لبيتي دخلت لكيت مطفيه الاضويه وصاعده خطيه متحضرتلي واني عفتها لحد ما ايست مني ونامت صعدت وراها للغرفه لكيتها قافله الباب دكيته

شهد.. مكيجت وتحضرت تاليتها اتفشل😢 اتانيته تانيته حته مكياجي خرب لعبت نفسي منه احس بروحي تفشلت غسلت ووجهي

وصعدت الغرفتي قفلت الباب حته ما اريده خليه كاعد يم ابوه 😏 اتمددت ودك الباب كلت منوو

علي.. يعني منو اكو غيري متانيته دفتحي الباب جايج داعش ومقفله عله روحج

شهد.. فتحت الباب وانتجيت عليه وباوعلتله كتله شرايد 🙄

علي.. سلامتج تعبان واريد انام وخري

شهد.. لحضه لحضه انته مو ذيج غرفتك شكو جاي هنا

علي.. ما اعرف احس هذاك الفراش مو مريح هنا اريح

شهد.. هممم اي لعد ارتاح عفته اتمدد علسرير نزلت للمطبخ نزل ورايه

باوعتله 🙄 مو عله اساس تعبان وتريد تنام شكو نزلت

علي.. خرب بهلج حركت روحي وهيه تحجي ابرود كتلها نزلت اكل تفاحه واخذت من الثلاجه واباوعلها😛

شهد.. هممم اوك اكل براحتك عفته ورحت للصاله فتحت تلفزيون اجه ورايه

باوعتله 🙄 مو عله اساس تريد تاكل وتنام وتعبان شو اجيت هنا

علي.. شسوي طار النوم من عيني كلت خل اروح اشوف التلفزيون شبيه شنو عندج مانع

شهد.. لا ما عندي مانع عندي بندول يفيدك 🙄

علي.. ههه واقلد عليها واكولها متضحك

شهد.. اعرف 🙄 اخذ راحتك بالتلفزيون اني نعست اريد اروح انام 🙄

علي.. احتركو عشيرتج سمطت جد جدي لزمتها كتلها وييييييين

شهد.. شكو اريد اروح انام

علي.. لا تخليني انيم هلمنفضه براسج دحسي عاد مو سمطتي لجدي بنت الاوادم

شهد.. هههه شرايد

علي.. العب توكي

شهد.. ههههههههه روح منا بابا منو كالك اني كاع وتكمز عليه

علي.. ولج تعاااااي وين رايحه لج انتي مو بس كاعي انتي هنا ولج واشر عله كلبي شنو ما حنيتي لصدري دحسي عاد مو موتيني

شهد.. هههههه اسم الله عليك من الموت حياتي غمزتله وصعدت

صعد ورايه كال خل ندخل غرفتي اريح كتله لا ما انام عله فراش جان لوحده غيري

علي.. اوك براحتج دخلتها للغرفه ومن كد ما فاير فقدت وهجمت عليها بقوه

شهد.. من حاول يتقربلي بقوه ما اعرف شصار بيه لعبت نفسي للحضه اتخيله ذاك المتوحش اللي حاول يغتصبني

بقيت ابعد بيه وهوه ولا حاس احاول ادفعه ماكو اخر شي بقيت اشهك بصوت عالي واصيح عوفني عوفني ما اريدك عوفني ودفعته

علي.. بعدت كتلها هاي شبيج

شهد.. ما اكدر علي ما اكدر ذاك المتوحش مجاي يروح من بالي وبقيت ابجي

علي.. شاطت روحي من بعدتني عنها احس نفسي تفشلت بس ما ردت ابينلها كتلها اسف حبيبي الصوج مني يمكن فقدت واندمجت وياج بعنفوانيه…

بس ما اتحملت احس روحي اختنكت ابد ما حبيت الموقف اللي صرت بيه وشلون اتفشل عفتها وطلعت للحديقه شربت 5 جكاير احس روحي اختنكت كملت رحت لغرفتي نمت ما رحت يمها

شهد.. بقيت ابجي من طلع عرفته ضل اباله بس مو بيدي لعبت روحي بقيت مخليه اديه عله عيوني وابجي لحد ما نمت

علي.. كعدت الساعه 7 رحت جبت ريوك خليته بالمطبخ بدلت وطلعت رحت للشركه جانت عدهم شحنه لبغداد رحت وصلت الشحنه البغداد ورجعت بليل

سلمت الشاحنه للشركه واستلمت تعبي وطلعت رجعت للبيت تقريبا الساعه 12 بليل دخلت لكيت البيت اضلم مطفيه كلوباته عفتها ورحت لغرفتي نمت

شهد.. كعدت الصبح بدلت ملابسي ونزلت ماكو جايب الريوك وطالع ردت اخابره خجلت بعد ما صديته البارحه ما الي عين احاجيه

بقيت طول اليوم اتانيه ما اجه صارت الساعه11 وهوه ما بين بقيت ابجي عله حظي ليش هيج سويت والله مو بيدي ما نسيت الصار ويايه

طفيت الاضويه وصعدت الغرفتي ابجي لحد ممليت ونمت

علي.. صحيت الساعه 5 الفجر باوعت اتذكرتها كلبي طاير عليها مشتاقلها كومه وخرت الغطا ورحت

فتحت الباب لكيتها نايمه اتمددت يمها اشم بيها وابوس بشعرها لحد ما غفيت يمها لهناك اتحركت هيه يمي فزيت همست بٲذنها صباح الشهد ياااا عسل

شهد.. فرحت لما لكيته يمه درت وجهي عليه وكتله صباح العافيه عليك حبيبي ..وينك البارحه اشتاقيتلك ليش ما اجيت

علي.. جانت عندي شحنه البغداد وديتها ورجعت متٲخر

شهد.. هممم ضميت راسي بين ضلوعه وهوه ماخذني بين اديه

علي.. شهوده

شهد.. همممم

علي.. لازم اروح حبيبي عندي شحنه للبصره اليوم لازم اوصلها وارجع اذا تٲخرت عليج قفلي الباب ونامي اوك حياتي

شهد.. يعني هم مراح تجي اليوم

علي.. احاول ارجع من وقت حبيبي يله ديري بالج عله نفسج

شهد.. أوگيـ Ok ـٍہ..

علي.. كمت دخلت للحمام طلعت لكيتها محضرتلي ملابسي لبست ردت اطلع

شهد.. علوشي حبيبي اتريك وروح لتروح معدتك فارغه

علي.. ما ردت اكسر بخاطرها كتلها اوك حبيبي اكلت بسرعه وشريت الجاي وطلعت

شهد.. شفته طلع اخذت نفس وكلت محروس بالله وبالنبي انشالله يبعد عنك كل سوء وكل شر ..

تريكت ورحت نضفت البيت انوب رحت كعدت علنت طلعت اكلات سويت كيكه حسب المقادير اتبعتها كملتها بس ضبطت طلعت تخبل رحت ضميتها بالثلاجه

وكعدت حايره اتذكرت الزوالي مال البيت سفطتهن وره البيت وراحن من بالي وما غسلتهن طلعت مديتهن بالكراج وكعدت اغسل لابسه برموده سوده وتيشيرت ربع ردن احمر

علي.. ردت اطلع بالشحنه اتعطلت الشغله وما رحت كلت هم زين يله بيها صالح كملت وياهم للضهر ورجعت للبيت لكيت جيرانه قتيبه سلمت عليه وجان يكولي

قتيبه.. لك علاوي شنو جايب خدامه جديده

علي.. كتله شنو يا خدامه

قتيبه.. لك هاي الجايبها تنضفلك ولك شلون حاته تموت بربك دزلياها خل تنضفلي البيت

علي.. كتله وين شفتها الخدامه

قتيبه.. شفتها بالكراج مال بيتك جاي تغسل فراشات لك عيني لو هيج الخدامات لو بلاها

علي.. جريته من ياخته حيل وكتله قتيبه احترم نفسك لا وعلي ادفنك هاي مرتي مو خدامه شنو تبصبص عله بيتي

قتيبه.. اسف خويه والله اسف عبالي خدامه جديده والله اعتذر

علي.. اني كل فتره اجيب خدامه للبيت تنضف لان مرتي ميعاد جانت علطول تزعل ابيت اهلها