تعد حكايات قبل النوم مغامرة فريدة تجمع الطفل ووالديه، حيث يرى الطفل والديه في صورة الراوي الذي يعرف جميع الحكايات، وملم بكل المعلومات، كما أنه في المقابل يرى الوالدان طفلهما في صورة المستمع، فيلاحظوا ردود أفعاله، مخاوفه، ونقاط قوته، وضعفه، وأفكاره، ومن ثم التعرف إلى شخصية الطفل، ومن هنا نقدم قصة قبل النوم للأطفال بأكثر من صيغة، فهل أنت مستعد؟ تابعنا!
كان ياما كان يا سادة يا كرام، ما يحلى الكلام إلا بذكر النبي، عليه الصلاة والسلام، حدوتة النهاردة اسمها “الفلاح الخدّاع”، والخداع أو المخادع هو اللي بيوعد الناس بحاجة وما يوفيش، أو اللي يقول كلام ويرجع فيه تاني”، يعني الكذاب.
وفي حدوتة النهاردة كان مرة فيه فلاح باع بئر مياه كان موجود في أرضه لجاره بمبلغ كبير جدا، وتاني يوم الجار اللي اشترى البئر لما جيه يستخدمه طلعله الفلاح وقاله: “أنا بعتلك البئر بس ما بعتلكش المياه اللي في البير، مالكش تروي زرعك من المياه بتاعتي”.
استغرب الجار لكلام الفلاح، وقرر يروح يشتكيه للقاضي، وأمر القاضي إن الفلاح وجاره يحضروا قدامه، وهنا قال للفلاح: “طالما بتقول إن البئر بتاع جارك، والمياه بتاعتك، اتفضل خرّج المياه من جوه البير وسيب البير لصاحبه وإلا أمرت بسجنك!” اتجنن الفلاح، وعرف إن الخداع لو هيضر حد هيضر صاحبه، واعترف الفلاح إن الجار اشترى البير بالمياه، واعتذرله.. وتوته توته خلصت الحدوتة.

عليك أن تختار القصة المناسبة لطفلك وفئته العمرية، كما أن عليك أن تبتعد عن الحكايات العنيفة أو المخيفة، ومن ثم عليك أن تختار قصة بسيطة، تحتوي على معلومة جديدة ومفيدة لطفلك، ومناسبة لطفلك من الناحية النفسية والمعنوية، ويفضل أن تكون قصة مشوقة وليست مملة.
كان ياما كان ما يحلى الكلام إلا بذكر النبي عليه الصلاة وأزكى السلام، كان فيه فلاح ومراته عندهم فرخة لونها ذهبي، وشكلها جميل، كانت الفرخة كل يوم تبيض بيضة ذهب، تدي الفلاحة جوزها الفلاح البيضة الذهي يبيعها في السوق عشان يقدروا يعيشوا بفلوسها، لكن في يوم قرر الفلاح إنه يدبح الفرخة عشان يعرف البيض الذهب ده جاي منين فيبيعه ويبقا معاه فلوس كتير.
قال الفلاح لمراته الفلاحة عن اللي بيفكر يعمله في الفرخة، بس نصحته إنه ما يعملش كده؛ لأن لو الفرخة ماتت مش هيلاقوا بيض ذهب يبيعوه تاني، ومش هيقدروا يعيشوا، بس الفلاح قام وقرر يدبح الفرخة، ولما دبحها ما لقاش جواها أي حاجة، وندم الفلاح ندم شديد بعد ما الفرخة ماتت، وعرف إن الطمع خلاه يخسر الفرخة الذهب اللي كانت معيشاه هو وزوجته.. وتوته توته خلصت الحدوتة، حلوة ولا ملتوتة؟
تساعد القصص والحكايات على إثراء خيال طفلك، بل ومساعدته في تعلم مفردات وكلمات جديدة، كما أنها وسيلة مميزة حتى يتعلم الطفل كيف يقدم حلولاً لنفسه بنفسه عند وقوعه في أي مشكلة، ومن ثم الاعتماد على نفسه.

بعد أن تعرفنا إلى قصة قبل النوم للأطفال، وحواديت أطفال جديدة هادفة، عليك أن تنتبه إلى أن هذا الوقت الذي تقضيه مع طفلك سيؤثر عليه على المدى البعيد، وهو وقت لا يعوضه مال، فهذا الوقت سيمضي، وستبقى تلك الذكريات بينك وبين طفلك.. فلا تبخل على أطفالك بوقتك.
قصص قصيرة للأطفال قبل النوم..نتعرف عليها معًا