يبحث الآباء والأمهات عن قصص جديدة ومسلية لروايتها لأطفالهم قبل النوم لقضاء وقت ممتع معهم وتعليمهم سلوكيات حميدة ، لذلك نقدم لكم في هذا المقال قصص اطفال قبل النوم مكتوبة بالعامية ومشوقة لمزيد من المرح ..

يوجد العديد من القصص التي يمكنك روايتها لطفلك بأسلوب سهل ومبسط ليتعلم الكثير من السلوكيات الجميلة ومنها :

قصة البطتين والسلحفاة

  • كان يا مكان بطتين وسلحفاة عايشين سوا في عين ماء، ولما نشفت العين
    دي ، قررت البطتين إنهم هيسيبوا المكان ويدوروا على مكان جديد
  • راحوا البطتين للسلحفاة عشان يقولولها إنهم ماشيين، فقالتلهم السلحفاة :
    “وأنا كمان مقدرش أعيش في مكان مفهوش ميا، خدوني معاكم”، فاستغربت
    البطتين وقالوا : “بس إحنا بنطير وانتي بتزحفي، إزاي هتيجي معانا ؟”..
  • البطتين فكروا في فكرة وقالوا للسلحفاة : “هناخدك معانا بس بشرط وهو إنك
    متتكلميش مع أي حد ولا تفتحي بؤك خالص خلال الرحلة معانا”
  • استغربت السلحفاة وقالت : “طب إزاي هاجي معاكم ؟”، فقالت بطة من
    البطتين للسلحفاة : “عضي على العود الخشب ده ببوقك جامد من النص ،
    واحنا هنشيلك من طرفين العود الخشب بالمنقار وهنطير، وبكدا انتي هتيجي معانا”
  • ووافقت السلحفاة على فكرة البطتين وطارت معاهم، بس لما شافوها باقي

    الحيوانات اتريقوا عليهم وقالوا :”سلحفاة بين بطتين وطايرين بيها في الهواء كمان”

  • نسيت السلحفاة كلام البطتين وفتحت بوقها عشان ترد على الحيوانات وهي
    بتقول: “أيوا فيها إي يعني !”، وسقطت على الأرض واتعورت جامد ، فالبطتين
    زعلوا وعاتبوها قالولها كل ده عشان مسمعتيش الكلام
  • الحكمة المستفادة من القصة أنه لازم تكمل طريقك عشان توصل لهدفك بنجاح
  • وانه لو وقفت عشان ترد على كل واحد بيسخر أو يقلل منك ده هيعطلك ويمكن يخليك تتوه عن هدفك.

أجمل حواديت بالعامية للأطفال مكتوبة

ويأتي من بين قصص الأطفال أيضًا، قصة 3 فئران :

  • كان يامكان 3 فئران أصدقاء وكانو عايشين في حقل جميل، وفي يوم من
    الايام الفران الثلاثة جاعوا وبدأو يبحثوا عن أكل في كل مكان.
  • الفئران وجدوا جرة صغيرة فيها شوية عسل، لكنها عميقة أوي وصعب الوصول
    للعسل، اقترح أحد الفئران الثلاثة إن كل واحد منهم يمسك بديل التاني عشان
    يكونوا حبل طويل من أجسامهم ويوصلوا لقاع الجرة، وبعد ما ياكل الفار الأول
    ويشبع يدخل الفأر اللي وراه ويأكل لحد ما يشبعوا كلهم و يقسموا العسل بالتساوي.
  • وصل الفار الاول لقاع الجرة وبعدين فكر شوية وقال : “العسل الموجود بالجرة
    مش هيكفينا إحنا الثلاثة لازم آكله كله لوحدي عشان أشبع”.
  • وفي نفس الوقت كان الفار التاني بيفكر وبيقول : “لو أكل صديقي كل العسل
    الموجود بالجرة، أي اللي هيحصل ؟ لازم أسبقو وآكل أنا الأول “.
  • أما الفار الأخيركان بيفكر : “انا الأخير ولو الاتنين أكلو كل العسل، مفيش حاجة
    هتفضلّي وهموت من الجوع”.
  • الفران الثلاثة فكروا بأنانية وترك كل واحد ديل التاني عشان يسبقوا للجرة وياكل
    العسل لوحده، وكانت النتيجة إن الثلاثة فئران سقطو داخل الجرة بسبب أنانيتهم ومعرفوش يطلعوا منها.
  • الحكمة المستفادة أن الطمع يقل ما جمع وانه لازم ترضى بنصيبك لأن الطمع دايما نهايته سيئة.

اترك تعليقاً