Connect with us

قصص الفكاهه

حكاية زينه

Published

on

Prev1 of 51
Use your ← → (arrow) keys to browse
5
(1)

 1,998 اجمالى المشاهدات,  6 اليوم

الوقت المقدر للقراءة: 9 دقيقة(دقائق)

حكاية زينه

salmatamermahros

حكاية زينه

هتتنكر ب ولد علشان تهرب من حبيبها المهووس بيها وهتروح تسكن ف شقه بعيده عنه وهناك هتقابل ست شباب ساكنين فالشقه اللي قصادها ومن هنا تبدا الحكايه
(حكايه زينه)
(معشوقة التايجر)
رومانسي,كوميدي

البداية..

اقتباس من روايه جديده😂❤❤❤

:انتي من ساعة مخلفتي وانتي بتكرهيها ومعاملتك معاها متغيرة

:ومش عايزاها فبيتي كمان انا حره

:جايه تقولي الكلام ده بعد عشرين سنه ياشوقيه

شوقيه بحده:مهو بصراحه يعني البنت دي مستحيل تورث زيها زي عيالي..انا لما اتبنيتها كنت علشان مبخلفش..لكن خلفت بعديها بسنه على طول وفضلت اربيها..لكن توصل انها تورث كمان يبقى لأ لأ ياعماد لأ

عماد بزهول وتعجب:انتي بتتكلمي عن زينه؟؟زينه؟دي أول فرحتنا

شوقيه بعصبيه:متغووور فستين داهية قولت مش عايزاها يعني مش عايزاها ..انا حرة فبيتي

عماد بغضب:لأ ياشوقيه ده مش بيتك..ده بيتي انا وأقعد فيه اللي انا عايزه وزينه دي بنتي ومكتوبه على اسمي

شوقيه بغضب:مش بنتيي..مش بنتنا يا عماد وقسما بالله يانا ياهي فالبيت ده

:انتي طبعا ياماما

عماد بصدمه:زينه!

زينه وهي بتمسح دموعها:انا همشي يابابا وهريحكم مني ولفت علشان تمشي

عماد بحزن:استني يابنتي

شوقيه مسكت ايده بحده وبرقتله وعماد سكت بقله حيله

**

زينه طلعت من البيت ومشت..هي كانت عارفه انها مش بنتهم..بس متوقعتش انهم هيمشوها بالطريقه دي

**

وصلت لحارة شعبيه..وطلعت لبيت بسيط وخبطت على الباب

فتحتلها بنت فسنها تقريبا:زينه؟!ادخلي

زينه دخلت وجرت على ست قاعده عالكنبه

زينه ببكاء:ماما طرديتني ومش عايزاني ياطنط ميرفت

ميرفت بحنان وهي بتحضنها:مانتي عارفه يابنتي انها مش بتحبك..وقولتلك اكتر من مرة سبيهم وتعالي عيشي معانا..انا بعتبرك زي رشا بنتي

زينه ببكاء:انا صعبان عليا نفسي اوي ياطنط ميرفت..لي الدنيا بتعمل فيا كده؟

ميرفت:ولا يهمك ياحبيبتي..انتي بنتي التانيه يازينه واعتبريني امك

**

عند شوقيه

شوقيه وهي بتتكلم فالفون:بقولك اي يارجب..انا عملت كل اللي قولتلي عليه وزينه طردتها واكيد راحت عند المعدوله ميرفت..مده خالصين وهاتلي باقي فلوسي

رجب بشر وخبث:ياحلاااوه..كده زينه هتبقى بتاعتي انااا وبس وهتوافق تتجوزني لأن مش هيبقى ليها حد غيري

(رجب ابن اخت شوقيه)

**

بعد يومين

رجب راح بيت ميرڤت وخبط عليهم

رشا فتحتله واتفجعت لما شافته بمنظره الضخم

رجب ببسمه خبيثه:امك فين يارشا؟

رشا بخوف:انت انت عايز منها اي

ميرفت طلعتلهم:عايز اي يارجب؟

رجب:طب دخليني الاول ياخالتي طب

رجب دخل وقعد مع شوقيه ورشا وزينه حبست نفسها فالأوضه بخوف لما سمعت اسمه

رجب بمكر:انا عرفت اللي خالتي عملته مع زينه ومعجبنيش…علشان كده انا جيت اتقدملها للجواز

زينه لما سمعت كده حطت ايديها على بقها بصدمه ورعب وهزت دماغها بنفي:لأ..لأ مستحيل

ميرفت بهدوء: طب اديني فرصه افكر يابني وهرد عليك

**

بعد فترة رجب مشى وزينة طلعت من أوضتها وهي مرعوبة من رجب وفكرة انها تتجوزه

زينة لخالتها:انا مستحيل اتجوزه ياخالتي..مستحييل

ميرفت بتفكير:اسمعي يازينه..انا ابني عنده شقة فاضيه..روحيها واقعدي فيها يابنتي واهربي من رجب وشره

زينه بخوف:بس ..بس ازاي

ميرفت بصتلها بتقييم:انتي لازم تتنكري يازينه..لازم تبقي ولد

زينه بصدمه:ازاي؟

**

بعد فتره زينه بصت لنفسها بصدمه..هدومها…لون بشرتها…شعرها..كل حاجه فيها بقيت ولادي

زينه بدموع:انا شكلي اتغير خالص ياخالتي..بس باين اني بنت شويه

ميرفت بأسف:معلش ياحبيبتي احنا مضطرين نعمل كده..رجب مش هيرحمك..وكمان كلام الناس لو قعدتي لوحدك فشقه وانتي بنت..لكن كده انتي ولد ومحدش هيقول حاجه

***

ميرفت عطيت لزينه عنوان الشقه وهي راحتها

ووصلت لداخلة العمارة ولقت تلت شباب واقفين وبيتكلموا مع البواب

:ياعم ابراهيم الشقه فالدور الكام

ابراهيم:انتوا شباب الجامعه اللي سي مسعد قال عليكم؟

:ايوه ياعم انجز

ابراهيم :فالدور الخامس

زينه قربت عالبواب وطلعت بس البواب وقفها:انت مين يابيه

التلت شباب بصه لزينه بإستغراب من هيئتها

زينه بخوف حاولت تتداريه وطخنت صوتها:انا..انا زين
Advertisement

تم النشر من قبل فبراير 8, 2022 @ 1:01 م

اهلا بحضراتكم ونتمنى ان نكون اسعدناكم بالمحتوى #Seven_Story

 موقع سڨن ستورى متخصص فى القصص والروايات والكتب والفن وحياه افضل  sevenst.us

زوارنا الكرام محبي موقع سڨن ستورى لا تبخلوا علينا بتعليقاتكم, و المشاركة علىصفحتنا في فيسبوك

ما مدى تقيمك ؟

انقر على نجمة لتقييم ذلك!

Advertisement

متوسط التقييم 5 / 5. عدد الأصوات: 1

لا أصوات حتى الآن! كن أول من يقيم هذه الرواية.

كما وجدت هذه الروايه جيده ومفيده …

Advertisement

تابعونا على وسائل التواصل الاجتماعي!

Prev1 of 51
Use your ← → (arrow) keys to browse
Advertisement
Click to comment
Subscribe
نبّهني عن
guest
0 تعليقات
Inline Feedbacks
View all comments

Trending-ترندينغ

0
Would love your thoughts, please comment.x
()
x