Connect with us

قصص حب وعشق

أسرت قلبي بقلم رحمة علي

Published

on

Prev1 of 28
Use your ← → (arrow) keys to browse
5
(1)

 3,077 اجمالى المشاهدات,  9 اليوم

الوقت المقدر للقراءة: 16 دقيقة(دقائق)

أسرت قلبي

بقلم رحمة علي

البارت الاول

أثرت قلبي

(البارت الاول)

تقف بجانبها كوب من القهوه تشاهد الشمس وهي تشرق لتبدأ يوم جديد ملئ بأحداث روتينيه….لكنها اقسمت بأن اليوم سيتغير كل شئ لتفيق من شرودها علي صوت رنين هاتفها

-تيته حبيبتي وحشتيني

منيره:ولما انا وحشتك يا ست إيثار سيبتيني ومشيتي ليه بقي؟

_انتي عارفه اني محتاجه وقت ابعد شويه…بعدين وحشتني مصر اكتر من 10 سنين مشوفتهاش كنت يسمع حكاياتك عنها بس انا حبيت اشوفها علي الحقيقه مره

منيره:وعجبتك؟

_اوووي اووي انتي عارفه هي مش متقدمه بس كفايه ان فيها دفا اول ما نزلت حسيت بحاجه بتحضني كده هي فعلا ام الدنيا بالناس الطيبه اللي فيها كفايه اني ابقي لابسه فستان وطرحه والناس مش بتبص عليا او لافته النظر كلهم محترمين وولاد ناس

بهيره:تعرفي..انا بتمني اني ازورها قبل ما اموت يا إيثار

إيثار:بعد الشر علي قلبي انتي عارفه اني مليش غيرك في الدنيا دي

_وانا روحت فين يا ست إيثار ولا لما سافرتي نسيتيني

=وانا اقدر انسي اخويا برضو

محمد:ما انتي بتقولي اني مليش غيرك في الدنيا

أيثار:هي فعلا دنيتي…وانت اللي بتحلي دنيتي والله

محمد:ولما هو كده سيبتينا ليه يا إيثار

ايثار:محمد لو سمحت بلاش نتكلم بقي في الموضوع ده فين فاطمه واسر

محمد:اثر يا ستي نايم والله بعد ما مشيتي كان بيعيط ويقول عايز عمتو..

إيثار:حبيبي..لما يصحي خليني اكلمه يا محمد

فاطمه:السلام عليكم أيثار..كيف حالك

إيثار:وعليكم السلام انا بخير وانتي

منيره:انا نفسي فاطمه تتعلم اللغه العاميه بدل ما احس اني بتفرج علي كارتون

محمد:يا تيته دي اتعلمت العربي بالعافيه نستني شويه

إيثار:والله فاطمه دي قمر وبحب اتكلم معاها وبحب اسمعها وهي بتتكلم عربي مكسر مش كفايه انها امريكيه قمر كده

فاطمه:شكرا إيثار حبيبتي…

منيره:يلا كده كفايه بقي سيبوها تجهز للمستشفي

إيثار:مش اما اشوف يا تيته هنجح فيها ولا لا

منيره:حفيدتي وانا واثقه فيها انها هتنجح…صحيح السمسار عمل ايه معاكي

إيثار: مفيش اداني الشقه وقالي ان بابا هو اللي باعته وحاسبته وخلاص

منيره:عارفه ان دماغك ناشفه ولو قولتلك روحي الفيلا هترفضي

إيثار:تيته تروح اقعد في فيلا متفتحتش من 10 سنين لوحدي افرضي مسكونه؟؟

منيره:الكلام معاكي صعب يا إيثار

إيثار:طيب انا هقفل هصلي الصحي وهجهز عشان المستشفي مع السلامه….

اخلعي قناعك المرح يا إيثار لتجلسي مع نفسك حزينه بعينان دابلتان انا التي كنت من سنين؟؟ لماذا تغيرت. بسبب شخص لا يستحق الحزن والبكي عليه!!

انا كسرت…كسرت ولم اقدر علي مساعده نفسي لكن اقسم لك انني لم احزن بعد اليوم

قامت لتصلي الضحي وتأكل شئ لتقوي عليه باقي اليوم وترتدي ملابسها للذهاب لاول يوم في مستشفي”الرحمه”

_________ _________ _________

في مكان اخر…

يوسف اصحي ياا يوووسف

يوسف:يا امي ارحميني وسيبيني انام بقي شويه

إيمان:يا حبيبي فاضل ساعه وتروح شغلك يلا عشان تفطر انا حطيت الفطار

يوسف:حاضر روحي صحي رحمه وانا. نازل

إيمان:خالتك راحت تصحيها قالتلها انها هتروح الكليه 9. وقالتلها صحيني 8 ونص

يوسف:انا مش فاهم ازاي بتلبس في نص ساعه يعني

إيمان:لا متقلقش هي بتنزل.تفطر الاول وبتلبس قبلها بعشر دقايق دي بتلبس الجزمه وهي رايحه الكليه

يوسف:مستهتره كده طول عمرها

ماجده:اتأخرتوا ليه بقي

إيمان:والله كنت لسه نازله يا ماجده

يوسف:طيب يا خالتو انا هلبس ونازل اهو يلا

بعد 20 دقيقه

ماجده:كل ده تأخير يا دكتووور

يوسف:معلش يا خالتو انا جيت خلاص

إيمان:يوسف في بنت جايه النهارده اسمها إيثار المكاوي هي دكتوره اطفال جدتها النهارده كلمتني بتوصيني عليها

يوسف:ليه خير يا امي هي رايحه المدرسه ولا ايه بعدين انا مش بقبل واسطات انا

إيمان:مينفعش يا يوسف دي لازم تقبلها من غير مقابله كمان…انت تعرف جدتها دي ليها افضال عليا انا وخالتك والله دي هي اللي يعتبر مربيانا من واحنا صغيرين ولما خالد ابن خالتك راح امريكا هي استقبلته واهتمت بيه..عشان خاطري يا يوسف وافق

يوسف:حاضر فيه حاجه كمان

ماجده:اه…رنلي علي خالد بقالي كتير مكلمتوش

يوسف:ويا خالتو هو ميكلمكيش ليه

ماجده:يابني مشاغل الدنيا كتير ….وبعدين من ساعه ما عاصم جوزي مات الله يرحمه وهو ضهره انكسر

يوسف:حاضر حاجه كمان

ماجده:لا يا حبيبي تسلم

___________ __________ ___________

كانت نتزل بالاسانسير لتتجه لعملها

_ثووووووااااني

_اوووف الحمدلله اني لحقته

كانت إيثار تضحك علي منظرها لتدخل الاسانسير

هنا:لا بصي ده انا متأخره نص ساعه ف عشان كده ده منظري لاني للأسف معنديش حيل اني اتهزأ من المدير الصبح تاني..يكش يولع هو والجريده حته واحده

إيثار :والله انتي شكلك قمر خالص

هنا:ياختي انتي اللي قمر وعيون خضر كده ده انا لو راجل كان زماني. اتجوزتك

وقف الاسانسير بيهم لتحت..

إيثار:هو انتي اسمك ايه..اصلي جديده هنا في العماره ومش عارفه حد

هنا:انا هنا وانتي

إيثار :وانا إيثار

هنا

هنا:ايه الاسم القمر ده…بصي انا ساكنه في الدور اللي فوقك علي طول لو احتجتي حاجه كلميني وتقريبا كده معادنا زي بعض يعني هننزل مع بعض كل يوم

إيثار:مش انتي متأخره النهارده!؟

هنا:وهتأخر بكره وبعده وبعده وهتهزأ من المدير بس مستحيل يرفدني لاني عارفه انهم ميستغنوش عني

إيثار (ومازالت تضحك):طيب انا اسفه يا هنا اني اخرتك اكتر بصي تعالي اوصلك بالعربيه ونتعررف شويه لاني معرفش هنا حد

هنا:هتقل عليكي طيب

إيثار :لا ابدا عادي اوصفيلي بس الطريق وانا هروحه عشان انا لسه وهشغل جي بي اس

هنا :تمام

اخذوا. يتحاورون في مواضيع كثيره وحكت هنا ل إيثار عن قصه حياتها

هنا:بصي بقي يا ستي..انا هنا بابا عايش اما ماما متوفيه من زمان وعندي اختين سهر عندها 12 سنه وشهد 10 سنين اما انا بقي اول فرحتهم ومولوده بدري جدا ف عندي 27 سنه ف يعتبر امهم المهم وانتي احكيلي

إيثار:انا يا ستي بابا وماما وجدتي واخويا عايشين في امريكا وانا كنت عايشه معاهم بس جيت هنا من اسبوع اخويا متجوز امريكيه ومخلف اسر وبس كده

هنا: طيب وانتي ليه سبتيهم وجيتي

وفي هذه اللحظه توقفت السياره ووصلت للجريده

إيثار:هبقي اكلمك علي الواتس بما اني اخدت رقمك مع السلامه

هنا:سلام يا جميله وشكرا علي التوصيله

انطلقت هي بسيارتها الي مستشفي “الرحمه”

ذهبت سريعا متوجها للإستقبال

إيثار:لو سمحت انا شوفت اعلان انكم محتاجين دكاتره هنا وانا دكتوره قسم اطفال وده السي ڤي بتاعي

موظفه الاستقبال:اتقضلي حضرتك علي غرفه الميتنج…

دخلت “إيثار الغرفه وهي معجبه بتصميم المستشفي كثيراا وتتمني العمل بها

بعد عده دقائق دخل يوسف وراءها

-اسمك ايه

-ايثار محمود المكاوي

اندهش قليلا وابتسم ابتسامه سخريه وبدون النظر اليها

-تقدري تبدأي شغلك من دلوقتي

-نعم!!!

يوسف:ايه مستغربه كده ليه مش حضرتك جايه بالواسطه

إيثار:لا انا طول عمري بكره الواسطه وحضرتك تقدر تشوف السي ڤي بتاعي لو مش مصدق

يوسف:وانتي رايحه لانهي مكتبه خلته يطبعهولك

إيثار:انا اصلا ميشرفنيش اني اشتغل في مستشفي مديرها بيتعامل بالطريقه دي مع الناس واحد وقح…عن اذنك

ليقوم يوسف بغضب ويغلق البااب بقوه وتفزع إيثار

-ايثار بتوتر:افتح الباب لو سمحت

………………………………………………..

كاتبه الروايه دي رافضه اني اقول اسمها او اني لعملها منشن لانها شايفه انها وحشه مرضتش تخليني اقول غير ان اسمها رحمه..شجعوها ورأيكوا في البارت الاول وتكمل ولا لا؟❤

مش تنسوا تعملوا متابعة على الاكونت بتاعي

eman2413

Advertisement

تم النشر من قبل فبراير 3, 2022 @ 1:16 م

اهلا بحضراتكم ونتمنى ان نكون اسعدناكم بالمحتوى #Seven_Story

 موقع سڨن ستورى متخصص فى القصص والروايات والكتب والفن وحياه افضل  sevenst.us

زوارنا الكرام محبي موقع سڨن ستورى لا تبخلوا علينا بتعليقاتكم, و المشاركة علىصفحتنا في فيسبوك

ما مدى تقيمك ؟

انقر على نجمة لتقييم ذلك!

متوسط التقييم 5 / 5. عدد الأصوات: 1

Advertisement

لا أصوات حتى الآن! كن أول من يقيم هذه الرواية.

كما وجدت هذه الروايه جيده ومفيده …

تابعونا على وسائل التواصل الاجتماعي!

Advertisement
Prev1 of 28
Use your ← → (arrow) keys to browse
Advertisement
Click to comment
Subscribe
نبّهني عن
guest
0 تعليقات
Inline Feedbacks
View all comments

Trending-ترندينغ

0
Would love your thoughts, please comment.x
()
x