Connect with us

قصص واتباد

رواية المتمرد و الصغيرة للكاتبة رسُل

Published

on

0
(0)

 9,682 اجمالى المشاهدات,  3 اليوم

الوقت المقدر للقراءة: 17 دقيقة(دقائق)

Prev1 of 62
Use your ← → (arrow) keys to browse

المتمرد و الصغيرة
رسُل ??
مـشـهـد

المتمرد و الصغيرة
للكاتبة رسُل ??
القُصة حَقيقية
مشهد…
بس شفت صور محادثات و صوري و مكتوب ليجوة
– مهرة اصيلة مرة الشيخ
-: هذاااااااااا منوووووو
– :وروح امي ما ادري
سحب الحزام من الكنتور وكال تحچين لو احچيچ بطريقتي …
اديان: والله كلشي ما ادري والقران
كمت ما احس الضربة منين تجيني وهو يصيح
گح**.. ادبسزز بنت السكارة و… و… اشكال الغلط والفشار يخلي الجسم يكزبر
تعب من الحزام
جر شعري كام يضربني راشدي و اوگع ويرفعني من شعري هذا اليوم اتعذبت بي اكثر من ما تعذبت من ماتت امي
ضليت بس اتوسلة يعوفني ماكوو بس دموعي تنزل بعدين كال لتتحركين اذا اتحركتي انعل والديج
فتح الجرارة طلع مگص اني هنا ما تحملت گمت اصيححح بكل علو صوتي كلشييي ولا شعري صح اكول اكصة ويضوجني بس من تصير صدك احسة اغلة من روحي
هو من شافني اعيطط جانت اكو دولكة مي ع الميز شمرها ع وجهي كمت اشهگ المي بارد و اني جسمي يوجعني وحرارتي مرتفعة
لزمني من شعري قوي …
-: يابة والحمزة اذا تحركتي ادگچ صفر خوش لو مو خوش و اطلع كو** اذا ما اسويها
__________________________

البارت الاول

المتمرد و الصغيرة
للكاتبة رسُل ??
______
هلي و ناسي و قريب الروح
ترى لو ما جرحكم ذاك
گلبي بهالعمر وّرد
______
لحد ماغربت الدنيا اني لازمة كتابي وافتر بالسطـح وأقـرا سمعت صوت عالي جوة اكيد عركة جديدة
هذا البيت اني اشبهة بمجلس النواب الي ابد ميخلة من الصياح والعياط والفشار ومحد قابض منهم شي زلم نسوان عارات
عمامي وابوية يشتغلون اسبوع كامل والجمعة يلمون فلوسهم ويرحون للملاهي يسكرون ويجون الفجر وي الصلاة ويبدي عياط نسوانهم
حارمين البيت من كلشي وياخذون فلوسهم ويرحون يكيتون بالملاهي الجيران تدري بيهم حتى بالمنطقة كلها تكـرهنة
وي نـزلتي من الدرج عمي عدنـان شفتـة يگطع بمرتة وعمي الثاني يضربهة ويا ويسبون ويفشرون وجهالها واگفين يبچون
المنظر يبجي اكبر واحد لحد ما أنتهت بأيدهم يلا عافوها أجة عمي وهو يتقرب علية شعور يخوف حيل رجعت ليورة
ضربنـي راشدي وهـو وگعة ? الدرج
عدنان: انتي مجاي تشوفين جهالي يبجون ليشش متشيليهم ساقـ… لو ما بيج حيل حقچن مـن الگوا… اخخ لو بيدي الا اذبح شكو مرة بالكون واخلص مـن عارچن
بيبي: اي والله ل? عاب حلگك ييمة شو كلهن گحـ… وعايقـات مال ذبح و حرگ  حتى دفن محد يخسر عليهن
أديـان: بسرعة بدون ما اجاوبة اخذت اطفالة الـ3 ودخلتهم لغرفة بيبتي بالليل اجتي امهم اخذتهم وطلعت خليت راسي ? المخدة وبديت اتذكر كابوس حياتي الي جاي اعيشة
” عائلة قذرة الى ابعد الحدود يقتلون القتيل ويمشون بجنازتة ضيمهم محد يتحملة جان عندي عم بس خالي متعارك ويا كاتلة واهل امي كانت حالتهم ضعيفة
فـ بدل الفلوس انطوهم امي فصلية امي جانت حلوة بشكل بس ابوية يكرها ويقسي وياها حيل بس ماعدها مكان تروحلة خوالي كل واحد ? گد حالة واصلا احنة مشايفيهم
وجان حيل يعذبهـا وتحملت ويا كلشي الى حد هذاك الًيَوُمًِ المشؤوم الي جان عمري تسع سنوات صف ثالث ابتدائي
و اني لحد هذاا اليومم احسد شكوو بنية تمشي وتضحك وي امها لعد اني ليشش ماعندي ام ليش ماعندي سند
وبذاك الًيَوُمًِ الي صادف يوم سبت لساعة 5 العصر جانت تعاتبة لان يروح للملاهي وميصرف علينة اني واختي الجبيرة كتلها وضل يسب بأهلها
صـار جدال قوي بينهم
-وخري عني ل? احرگج واحرگ شيب الخلفوچ
– ل? اشو احرگني اذا صدك رجال وخلصنـي من  عيشتك الماشفت منها غير الذل والله انتة اذا حسبوك من الزلم اني اريد اغم هاي الزلم
أديـان: اني چنت جوة العب بالگراج وي بنت جيرانة بلحضة احس جسمي كلة ارتعش واني اشوف ابوية يدير بانزين ? جسم امي وشمـر عليها شخاط
لحظة حسيت بيها خوف ? رعب من مستقبلي الجاي عيوني اتمنـى تعمى ولا تشوف ذاك المنظر الحقير الي خلاني اسمع صوت عياط امي
وريحة الحرگ الي تطلع منهـا وهي تتقرب علينة اني واختي وتبتعد تخاف علينة خاف نحترگ وياها جانت تريد احد يطفيها بس ل? حياة لمن تنادي
عمامي بالملاهي بيبتي  گاعدة وتصيح يمة وليدي راح من ايدي بس ل? تاخذة الشرطة اني امي تحترگ وهاي خايفة ? ابنها
جدي المؤمن المتدين وولدة سكارة جان بالجامع يصلي عود لكم حرام هاي العائلة تنضم للاسلام والله حرامممم
گمنـة نعيط اني واختي وگامت تركض الجيران علينة بس بيا وقت ؟ لمن امي صارت عبارة عن قطعة سودة
صارت تشبه اللحم لمن ينشوي زايد ويحترگ ويصير اسود مفحم اي هيج صارت امي عشت حالة صدمـة راحت سندي احترگت امي واحترگت احلامي وياها جانت دگلي
اكبري وصيري دكتورة ونسافر بالخارج ونخلص منهم ونعيش ملوك بس لآزٍمٍ نصبر وانتي صيري شجاعة جانت رغم ماعدهة فلوس تخليني احس بشعور اني افضل بنية بالعالم
دگولي باجر من تكبرين البنات كلها تحط مكياج حتى تصير حلوة الا انتي تخبلين من الله شايفة هذني الحلوات اليطلعن بالتلفزيون
ذني كلهن يتمنن يوصلن جمالج محد عدها مثل عيونج الصفر ولا مثل شعرج الحلو ولا مثل رصعاتج هنة يصرفن يلا يصيرن هيج وانتي بدون فلوس عابرتهن
جانت تخلي ثقتي بنفسي تعبر الحدود وبعد وفاتها صح حيل تعذبت بس جانت اختي ضحى هي المتكفلتني ابوية مبطلها من المدرسة عمرها جان 18 حلوة اني اشبها بس هي عيونها  لون جوزي
ماخلتني اعتاز احد بعد امي هي صارت امي الثانية حيل تعلقت بيها جانو عمامي يضربوهة حيل ? ابسط الاشياء وابوية وياهم
لحد مـا صار عمري 12 سنة هي تداريني ولا ملتني ولا تحسسني انو اني ثگل عليها محد جان يتقدم الها لان يعرفون ابوية وعمامي سكارا
مـرة اجوي خطبوها وورا فترة سائلين علة بيتنة گايليلهم عائلة منحطة تأسفو وما اجوي بعد جانت تحب واحد ويانا بالمنطقة
هو هم يموت عليها وجان كل يوم ينطيني ورقة انطيها الها وهي تنطيني اوديلة جنت افرح من  اشوفهة فرحانة ويا وشلون هو يوصيني اسلم عليها
وينطيني فلوس يگول وديهن الها وگليلها اخذج اخذج هو اكثر من مرة اجاها وابوية طردهم لان متعارك وي ابو
هذاك اليوم الي انكسرت بي اكثرمن  كسرة امي جانت كلشي بقالي من بعد امي
ومادري بعد هالزمن شضاملي من كسرات وشكم عزيز بعد راح افقد
لكن بيوم گعدتني اختي الفجر گالتلي ديري بالج ? نفسج اني راح اشرد واتزوج علي وهو هم يشرد وياي لتنطقين بحرف اذا گامو يدورون علية
واني بس تستقر اوضاعي واتزوج اجيبج تعيشين وياي بس ادعيلي الله يسهلي ودعتها وضليت ابجي خايفة عليها وبنفس الوقت فرحانة راح تخلص منهم
بس ما جنت ادري هالدنيا هلگد حقيرة ويانة ومراح تخلينة نفرح ابد گعدت على صوت عياط اختي وعمامي يگطعون بيهـا
حامد: لكك جيبولي سچينة خل اخلص من عارها انا هالگحـ… تنزل راسيي اخخخ ما بالحيف ولكم انا تجي الوادم تگلي بتك شردت الحگلها
عدنان: انتو شون دريتو بيها من شردت
جعفر: ولك خابرني ابو علي عمامة كامشي يريد يشرد وي الگ** مالتنة وگال تعالو ضبو بتكم تشرد وي الزلم وذاك كاتلينة عمامة ومأدبي وهسة طش صيتنة بالمنطقة
حامد: بويةةة هايي عارها اغسلة بيدي انا مرة تنزل راسيي جيبولي سچينة خلي اذبحها
عدنان: چا شلون نبيض وجوهنة لآزٍمٍ نغسل عارها
أديـان: ضلت اختي تبجي وتتوسل واني واگفة ابجي عليها ل? يربي لتخليهم يكتلوها گامو يسبون بأمي هي گامت تتعارك وياهم بلمحة بصـر شفت ابوية ركض عليها واختي وگعت
وشفت السچينة صارت بـبطنهة والدم ترس المكان والكل مصدوم ويباوع اخذوها عمامي لفوها بچرجف واجوي گالو دفناها بمكان بعيد
وحتى فاتحة متصير الها لان هي عار وغسلنا صارت گعدة عشاير وسدو السالفة وابوي يصيح عاري غسلتة بيدي ويفتخر اخذو فصل من بيت علي 50 مليون وهم الفرحة ما وسعتهم
ماصدگو نسو اختي نسو كلشي ليشش ربي ليش لعد احنة خلقتنة وشمرتنة نوب اخذتنة عاد اخذني وياهن اريد اعيش هنا محد يحبني ويريدني
اني محد يهتملي ضليت اشهگ و ابجي  على اختي الذبحوها وابجي على مستقبلي الخايفة منة
____________________________
للكاتبة رسُل

Prev1 of 62
Use your ← → (arrow) keys to browse

تم النشر من قبل نوفمبر 22, 2021 @ 10:04 ص

اهلا بحضراتكم ونتمنى ان نكون اسعدناكم بالمحتوى #Seven_Story

 موقع سڨن ستورى متخصص فى القصص والروايات والكتب والفن وحياه افضل  sevenst.us

زوارنا الكرام محبي موقع سڨن ستورى لا تبخلوا علينا بتعليقاتكم, و المشاركة علىصفحتنا في فيسبوك

ما مدى تقيمك ؟

انقر على نجمة لتقييم ذلك!

متوسط التقييم 0 / 5. عدد الأصوات: 0

لا أصوات حتى الآن! كن أول من يقيم هذه الرواية.

كما وجدت هذه الروايه جيده ومفيده ...

تابعونا على وسائل التواصل الاجتماعي!

Advertisement
Click to comment
Subscribe
نبّهني عن
guest
0 تعليقات
Inline Feedbacks
View all comments

Trending-ترندينغ

0
Would love your thoughts, please comment.x
()
x