Connect with us

قصص عاطفية

حكايات اربعين ليلة فصلية

Published

on

Prev1 of 36
Use your ← → (arrow) keys to browse
0
(0)

 3,600 اجمالى المشاهدات,  6 اليوم

الوقت المقدر للقراءة: 23 دقيقة(دقائق)

حكايات اربعين ليلة

الة: فاطمة علي
القصه كامله :-عندما يجتمع قلبين😍فيلعب لعبته القدر ليفرقهما فتذهب فصلية الى بيت اخيه وخلال ذهابها تمر في مرحلة قصص كثيرة خلال ٤٠ ليله تقع في مشاكل كثير ياترى هل ستؤثر هذا المشاكل على حبها ❤ ..

اول الحكاية

____💝_____ #حكايات_اربعين_ليلة _____💝____

__⚘___⚘—#البارت_1—⚘___⚘___

#الكاتبة فاطمة علي

اول قصه اليه انطوني ارائكم واعجاب بالقصه

متابعه ممتعه ..⚘🌷⚘

..نسلم القلم الصاحبة القصه تفضلي حبيبتي نغومه عرفي عن عن نفسج

انغام :تسلمين حبيبتي

….

تترك الأقوال صدىً كبيراً بداخلنا، ربما لأنّها تفسر ما لا نستطيع تفسيره، وتتكلم عن واقعٍ نعيشه؛ فالحياة نعيشها يومياً بما فيها المواقف المحزّنة، والمفرّحة، والمبكية، والمضحكة. وفي النهاية لا يبقى سوى الأعمال التي نقدمها لنأخذها معنا بعد الموت..

انغام :-اسمي انغام من محافظة بغداد من مواليد 1994

طولي 162وزني55 طبعا المميز بيه عيوني خضر وحنطاوية او سمره بعض الشيء دائما يشبهوني بالممثله الهة اشواريا راي لان حيل اشبهها ..

هاي اخر سنه اليه بالسادس طبعا اني حيل شاطرة بس الخوف من السادس والتفكير بي راح يجلطني اتمنى ادرس سه من اني هذا طموحي وان شاء الله ادرس وانجح

..

ابوية وامي ابوية من مواليد 1967 وامي1969 متزوجين بعمر صغير وعندي اربعه اخوان باسم 1985 وجاسم 1987 وعلي 1990واخر العنكود مجتبى1999 واخت وحده اسمها ايمان1995

اخواني الكبار متزوجين باسم عنده ثنين بنات ولد

وجاسم ولد وبنية وعلي ثنين بنات توم ..ايمان ومجتبى واني بعدنه ممتزوجين

طبعا كلنه بيت واحد عايشين بيتنه كولش جبير 400 متر مكون من 8غرف نوم وصالتين (استقبال وهول)

وحديقه كولش جبيرة تخبل معتنين بيها زارعين بيها برتقال ورمان ونبگه وشجرة ياس🌳 وعدنه نخلتين 🌴مال تمر

وبيها يخبلن فل 🌼وياسمين 🌷وجوري🌹 والعطر يجنن ونبات متسلق على البيت🌿..

ومطبخ جبير و3جناين بي واني واختي وامي وعدكم الحساب اربعه وعشرين ساعه ياهاي النظفت وهاي المنظفت وعلى كولشي يتعاركن وغير هوسة الجهال تسطر سطر

..

كعدت الصبح وجان صوت العصافير يخبل فتحت شباك غرفتي الي يطل على الحديقه اخذت نفس وكلت

انغام :-افيشش راحه نفسية وجو بي بروده خفيفه وهو يلعب بالاشجار وبعدها مطالعه الشمس قوية بعده غيم رصاصي

سمعت صوت امي تصيح عليه اني واختي ايمان ومجتبى

الام:-ايمان انغام مجتبى ولكم كوموا الساعه ٧ مو شلعتوا القلبي

كمزت كلت صدوك الساعه سبعه باوعت بالساعه اشو ب ٦ اروحلج فدوة نبع الحنان دائما اتهبطين بينه اي يمه كاعدين رحت على ايمان كعدتها وطبيت الغرفة مجتبى لكيته گالبها تلعب النفس ملابسه بالكاع وهوسه صحت عليه كوووم كوووم الساعه ٧ ونص مضل وقت هو كال عوفيني اريد انام كتله امي راح تجيك قد اعذر من انذر

عفته ونزلت لكيت بابا كاعد على الميز ديتريگ ويسولف ويه امي وفاطمه وتقى ونرجس (الجناين)هن حبابات وماعليهن اذيه بس بالشغل لازم مناكر جانن يشتغلن يسوون اكل والجهال يلعبون كاعدين كلت “

انغام :-صببباح الخير يااحلى عائلة بالدنيا ردو

الكل:-صباح النور صباح الخير

الاب :-هلا ببنيتي الحلوة ام عيون المهى صباح الياسمين ياياسمين بيتي 🌷

انغام :-الله الله بعد شريد اكثر من هيج دلال

ايمان :-اي بس الها الدلال واني بت البطه السوده

الاب :-انتي الصغيرونه مالتي حبيبت ابوها هو شعندي غيرجن

ايمان وانغام :- الله يحفظك النه يااحلى اب بالدنيا

نزلو اخواني صبحوا علينه وكعدوا يتريگون ويسولفون اني اكلت شوية وصعدت ابدل بدلت ونزلت انتظر الخط

اني وايمان بنفس ال مدرستنه اهلية وكله صباحي وبيها فرع ادبي وعلمي يداومون سوه وين مااروح لازكه بيه هي خامس واني سادس هي ادبي واني علمي لان هي تحب تقرة كتب وتكون شاعرة او كاتبة او رسامه المهم شي يخص الادب

اجه الخط ورحنه اني وياهه صعدنه صبحنه على الكل صباح الخير وكعدنه نسولف بالدراسه ب7ونص وصلنه للمدرسه ضلينه نفتر الى ان صارت الاصطفاف خلص وطبينه للصفوف والمدرسات بالتتابع خلص الدوام ورجعنه للخط ومشغل اغنية

حسام الرسام لمن فاركت حبي حسيت الشمس غابت حسيته وكف قلبي

واحنه مندمجين ويه الاغنية ونغني بيها كولش جنت احب حسام الرسام واغاني جنت احب حضر خدك بسرعه اجتك بوسه متلهفه واني دااغاني

وكف الخط جان ازدحام مال خطوط جنت كاعده يم الشباك درت وجهي جان اشوف شاب واكف ويباوع عليه بنظرات اعجاب اني خجلت دنكت راسي ومعرفت بعد شسوي كلت اكيد سمع صوتي خررب شهل حظ واني منا لمن وصلت للبيت مدنكه راسي ومرفعته ابد من الخوف والارتباك

طبينه للبيت سلمنه شميت ريحة الاكل يم يم دووولمة

مسويات وريحة البيت تخبل من النظافه والترتيب

صعدت فوك واني اتذكر عيون الشاب شلون جان يباوعني اول مرة بحياتي اعيش هيج لحظه ضليت افكر وقطعت سلسلت افكاري ايمان

ايمان :-ولج هاي بعدج ممبدله كووومي مو متت من الجوع

انغام :-كمت كمت شبيج خبصتينه

مر اليوم كأي يوم عادي ثاني يوم هم شفت نفس الشاب كمت كل يوم اشوفه واكف بنفس بمكانه من ارجع اضل افكر بي يمكن اخذ نص عقلي

بيناتنه صارت نظرات اعجاب مااعرف حسيت شي اتجاهه الاول مرة كمت اهتم اكثر بنفسي وارتب روحي فديوم ابو الخط يشغل السيارة متشتغل

ابو الخط :- يلله انزلوا اني راح اخذها للمصلح وباجر ان شاء الله اجيكم السيارة يمكن عطلت مدا تشتغل

وجان لازم ننزل نروح مشي نزلنه من السيارة ودنمشي شفت الشاب صدوك بداخلي ت فجأه اجه علينه يمشي واني فتحت عيني كلها وهو جاي يمشي النه وقلبي كمت مااحس بي من الخوف والارتباك نزلت راسي وكمت امشي على السريع

البنات :-شبيج انغام على كيفج نركض وراج فجأه حسيت احد لزمني من عكسي وكال

الشاب:-لحظه انتي اسمج انغام

بدون مقدمات ترررراخ على وجهه ضربته راجدي

انغام :-انت منو علمود تلزمني من ايدي متستحي

باوع عليه وهو لازم خده عافني ومشى

كمت ارجف وابجي مااعرف شصار بية والبنات يهدون بيه واني ماكو ارجف وابجي واباوع عليه راح يمشي على السريع

وصلنه للبيت وحالتي يرثى لها وكل البيت يباعون عليه بنظرات يتسائلون هاي شصاير

الام :-يمه شبيج ليش هيج حالتج احد مسويلج شي ايمان يمه شبيها اختج

ايمان :-اسكتي وخليها يمه ولد لزمها من ايدها وندارت عليه وضربته راجدي وعاطت بي

الام :-يايمه شلون تسوين هيج صح يستاهل بس عيب كدام العالم

انغام:-يمه من لزمني حسيت راد يغمى عليه ومن شفته هو لازمني ويصيحني بأسمي محسيت غير بي جفي على خده

كمت ابجي عفتهم وصعدت فوك واني خجلانه شلون سويت هيج وبنفس الوقت اكول يستاهل وبعدين ارجع اكول لا خطية هو شسوالي قابل لالا يستاهل اوووف لفيت راسي ونمت للمغرب كعدت طبعا امي والجناين ممقصرات طاشات السالفه بالبيت وكلهم كعدوا يسألون بيه هذا منين الولد وهذا منين واني وايمان كنالهم منعرفه اخواني تحلفوا بي اخر شي

الاب :-بابا كافي سدوا هذا الموضوع ميحتاجلها مشكله بعدين هي بخط وهذا الشي بعد ميتكرر

باسم :-يابه انت شدتحجي هذا الولد لازم نحطله حد شلون يلزم ايد انغام نكسرها ونعلكها بركبته

جاسم:- كلام باسم صحيح وباجر راح ننتظرج كدام المدرسه وتكولينه عليه

اني الخوف اكلني وكفت وكتلهم

انغام :-لا عوفوا ميحتاج هو اصلا اكيد بعد ميوكف او يتعرضلي لان بعد ماله وجهه كدتم جماعته

باسم :-لج بابا انتي متعرفين الولد يمكن يتحلفلج وتصير مشكله جبيرة الها اول مالها تالي

انغام :-الله يخليكم لتضغطون عليه اكثر وباجر اصلا مااداوم

الاب :-عوفوها براحتها كافي لحد يضغط عليها

باسم :-يابه والله ميصير هل حجي احنه خايفين على اخته لا يسويلها شي وانت دتشوف الخطف بكل مكان والدنيا مگلوبه بالعراق

الاب :-ابني صح كلامك بس منكدر نسوي شي اتركه سالفه وصارت وان شاء الله يومين وتنسي وتروح

باسم :-براحتك يابه بس غير نخاف على خواتنه المهم اني طالع محتاجين شي

الكل :-سلامتك ..

٤ ايام اني دافنه روحي بالغرفه حتى الاكل ايمان تصعده اليه صادف يوم احد داومنه والخط اجه علينه من رجعنه لكيته واكف الشاب بنفس مكانه وشكله تعبان تخبلت من شفته بهيج حاله ثاني يوم قررت انزل من الخط ونرجع مشي اني وايمان

شفت ايمان كاعده تقره على الميز الي بالغرفه كلت لازم اكوللها بلكي توافق نرجع باجر مشي

انغام :-امونه ممكن طلب صغيروني

ايمان:-اي حبي اطلبي

انغام :-باجر نرجع مشي اني وياج

ايمان :-اكيد تخبلتي والله اذا سمعوا اخواني يذبحونه مو تدرين ميقبلون

انغام :-وهم شمدريهم احنه نرجع ونكلهم الخط عطل او اي شي

ايمان:-وانتي ليش تردين ترجعين مشي همممم

انغام :-حاجه في نفس يعقوب

ايمان :-ان شاء الله تكون خير اوك نرجع بس اي شي يصير اذبه براسج معليه اني

انغام :-امداج هي هاي الاخوه ماشي اي شي يصير ذبي براسي

ايمان :-تدللين قلبي ومقبوله منج الغمه

ضلينه نضحك ونسولف كمنه كل وحده المكانها تقره

كمت توضيت وصليت المغرب والعشاء وتعشينه واني منتظرة على نار الصبح شوكت يجي لان راح اللتقي بهذا الشاب الاول مرة كلت لازم اعتذر لان عيب الي سويته

كعدت الصبح بدلت ونزلت ومنتظرة الخط اووو انوب لص الدوام من 8الصبح الحد الوحده ونص

وصلنه وكل عاده المدرسات يطبن ويطلعن شرح بملل اووف وكل شوية اباوع للساعه شوكت يخلص الدوام

واخير خلص طلعنه اني وايمان رحنه للخط كناله راح نرجع وية اخوية مجتبى راح يجي علينه هو وافق بقينه واكفين منا لمن كل الخطوط راحت مشينه اني وايمان على السريع وهي

حايرة وتكولي

ايمان :-ولج شبيج مو على بعضج اكو شي

انغام :- اسكتي وهسه تعرفين

دنمشي فجأه طلع بوجهي الشاب طبعا هو عيونه عسلي فاتح وشعره اسود وضخم وعنده عضلات خفيفه بارزه واسمر

صارت عيني بعينه جان يكوول

الشاب:- اوووف يم عيون االخضر ليش هيج تسوين بيه

انغام :-والله والله اعتذر جدا على الي سويته وياك

ايمان هنا بدت بالكرص بزندي

الشاب :-انتي اسمج انغام مو اعتذر لان لزمتج من ايدج هذاك اليوم

انغام :-اي انغام اني اليوم نزلت من الخط بس في سبيل اعتذر منك وانت هسه جاي تعتذر

الشاب :-اعتذارج مقبول وعاشت الاسامي اي طبعا اعتذر لان السويته غلط واستاهل الراجدي

انغام:- خجلني كتله احنه نترخص

الشاب :-وين رايحين اني مصدكت انتي نزلت اني صارلي اشهر بهذا المكان واكف ومن يوم الي انتبهتي عليه من جنتي تغنين واني طاير من الفرح وهسه تردين تعوفيني

انغام :-مااكدر اني بس اجيت اعتذر منك

يلله باي

دنمشي وجان اسمعه صاح ورانه بصوت عالي انيييييي احبببببببببج.

انغام ايمان باوعنه بصدمه))

😨😨😨😲😲😲😲…..

.

.

.

.

انتو تعرفتوا على انغام وعائلتها لاكن الولد بعدكم ممتعرفين عليه وهل ياترى انغام راح تتقبل حبه وراح تبادله الحب وشنو الي ضاملهم القدر بين انغام وحب الشاب الها انتظروني بارت جديد من حكايات ٤٠ ليلة ..

توقوعاتكم للبارت الجديد وهل عجبكم هذا البارت

Advertisement
https://reelpdf.com/click/do.php?imgf=164613340927292.png

اهلا بحضراتكم ونتمنى ان نكون اسعدناكم بالمحتوى #Seven_Story

 موقع سڨن ستورى متخصص فى القصص والروايات والكتب والفن وحياه افضل  sevenst.us

زوارنا الكرام محبي موقع سڨن ستورى لا تبخلوا علينا بتعليقاتكم, و المشاركة علىصفحتنا في فيسبوك

ما مدى تقيمك ؟

انقر على نجمة لتقييم ذلك!

متوسط التقييم 0 / 5. عدد الأصوات: 0

لا أصوات حتى الآن! كن أول من يقيم هذه الرواية.

Advertisement
https://reelpdf.com/click/do.php?imgf=164613340927292.png

كما وجدت هذه الروايه جيده ومفيده …

تابعونا على وسائل التواصل الاجتماعي!

Advertisement
https://reelpdf.com/click/do.php?imgf=164613340927292.png
Prev1 of 36
Use your ← → (arrow) keys to browse
Continue Reading
Click to comment
Subscribe
نبّهني عن
guest
0 تعليقات
Inline Feedbacks
View all comments
https://reelpdf.com/click/do.php?imgf=164613340927292.png

تصنيف بالكلمات

المتواجدون الان

مستخدم واحد يستعرض هذه الصفحة.
المستخدمين: بوت 1

Trending-ترندينغ

0
Would love your thoughts, please comment.x
()
x