Connect with us

قصص واتباد

رواية عشق المؤمنين بقلم نازك الحمراني

Published

on

5
(1)

 9,839 اجمالى المشاهدات,  21 اليوم

الوقت المقدر للقراءة: 29 دقيقة(دقائق)

Prev1 of 27
Use your ← → (arrow) keys to browse

عشق المؤمنين
?مسائکم رحمه?
#عشق_المؤمنين…
نازك الحمراني…
الجزء الاول…
المكان بوحده من مناطقنا الجنوبيه…
وبأحد البيوتات البسيطه الي أذن ابطالها الي..
ان ادخل العمق دارهم…ونتعرف فد نبذه مبسطه
عن حياة البطله الرئيسه…
صادف اخير السنه
والمدارس بهل وقت توزع النتائج
………عقيله…..
طلعت رکض من المدرسه فرحانه….واني اعبر الشارع
بيدي شهادة الرابع ابتدائي…..ناجحه الأولى…
وكفت مقابيل الترفك لايت….منتظره السيارات تعبر
وقبل لا تجي السياره….ركضت بحركه طفوليه..
اريد اوصل ابسرعه…وافرح ماما وجدو…واخواني
طالعه الأولى…اكيد هسه علي اخوي…ناجح
اي بس نجاح عادي….اني اشطر منه اكيد
وصلت للبيت….
دخلت وشمرت جنتطي للكاع…بطرمه
وبدت خطواتي للمطبخ…واني ادور ماما…..
الي شفتها واكفه…..يم السنك تغسل الماعين…
وچانت آمشغله الراديو….عل محاظره دينيه…
وتسمع بتركيز….
من كد متعشق المحاظرات…صرت مثلها احبهن
تقربت منها..حظنتها….من ورى
-ماما حبيبتي نجحت بفضل الله وبفضلچ
اندارت عليه….وهي تنشف ايدها…
-الف مبروك عقيله….ربي يبارك بيچ…
حضنتني حيل واني اشم عطرها الي احبها
الي أشم بيها ريحة حنيتها…وحبها اليه..
حنانها الي توزعه للكل…ويكفي
بعدتني عنها بفرح
-يله روحي ماما بدلي ملابسچ…حتي انصلي
وخبري غفران وياچ…
حتي تتعلم ويانا انصلي
بس كم مره كتلچ….عقيله من ادخلين للبيت شدکولين
لان مازال احنا مسلمين…اي مكان ندخله..
أنأدي تحية الأسلام
دنجت راسي مستحيه..لأن هاي ثالث مره ادخل
بلا سلام…وادخل بسرعه
-السلام عليكم…ماانساها انشاء الله ماما
تقربت بست ايدها…
نصيت جسمي وشلت جنطي وخطوتي للغرفه…
فتحت الباب
غفران اختي الأزغر مني بتلث أسنين….جايه قبلي
دنجت عليها بست خدها ..
-شلونچ بشري انتي شطوره….شطلعتي
تنوعتلي وبيدها العابه مالتها….طلعت شهادتها من جو رجليها… وهي تمتمت بلحچي
-نجحت وماما باستني حيل…
وجدو فرح ولعابتي ماانطيچ ياها..
احب مشاکسة غفران….خليت ايدي بنص جسمها وشلتها..
بقيت افتر بيها فرحانه….
-مبروك يااحلى اخت…يااحلى غفران
هسه رح نحصل جائزه حلوه….
جدو…رح ياخذنا للزياره انزور الامام
نزلتها واشوفها ضايجه….
-اشبيچ غفران ضايجه…دارت وجهه…كالت
-جدو وماما يحبوچ آکثر مني…
لأن انتي عيونچ زرك…وضفيرتچ طويله
اني ميحبوني…..
-لا حبيبتي انتي حلوه وبيضه…منو كال ميحبوچ
اني احبچ يااحلي آخت…يادلوعتنا….ضحكت
وهي تبوسني…
رحت للكنتور….اطلع ملابسي
بدلت واني منتظره جدو يجي وابشره
صاحتنا ماما….نتغدى
الصينه ممدوده….والاكل مصبوب..
كعدنا وجاي اخلي أول لكمه ابحلكي…
جدو اجى باس راسي…
كعد يمي ويضحك…
-مبروك بنت الغاليه….فرحتلچ بنيتي….بست ايده
واني بوسط عائلتي الي ربيت بيها
الي تعلمت عليهم….
والي شفت الحنيه…ولأمان والاستقرار عدهم..
عيوني تتصفح وجوهم….وبگلبي أدعي ربي…
كون ماانحرم من هل لمه الحلوه ….
مااعتقد آکو ابنيه محظوظه مثلي…
لأن اعيش بوسط هل ناس الطيبه
فلست السمچ الجدو…..وأ اوكله وهو يضحك
جفلت من صوت باب الصاله
اندفع بقوه….كلنا وكفنا واشوف بابا عصبي…
وهو يقترب مني بعصبيه…..وجر ايدي بقوه وصاح
وعيونه الماما الي تقربت منه تريد أدفعه عني
لآن کامشني بقوه…
-عوفها آبو رامي…شنو السالفه ليش وي البنيه
زنخ أيدي حيلي…وكعت للكاع…صاح
-هاي هيه مشكوره ام احمد كفيتي وفيتي
بنتي كبرت واريدها يمي…
كمت الحظن ماما ابچي…
-فدوه ماما لاتخلي ياخذني مااروح..
اريد ابقى يمچ….احبچ ماما
ظلت حاظنتني وهي تحاچيه…
-آبو رامي البنيه تتبهذل عندك….زوجتك عصبيه
وهي تعلمت علينا…البنيه يتيمه وين تهجولها
جرني حيل وهو ضاغط على زندي…ويحجي
-ام احمد عندج ولد…ولادكولين ولدچ… اخوانها
هم ولد عمتها والبنيه جاي تكبر…
تقربت منه ماما وهي تبچي…وغفران تبچي عليه
-منو الولد….اشو أحمد مزوج وعازل
وعلي اخوها برضاعه
ورسول ازغير…
وابو علي زوجي يصير خالها….اخو أمها المرحومه
بعد وين الولد….
اشبيك يخوي الخاطر جدها الخاطر شيباته
بقيها يمنا ترى هوه عمك هل شايب وريحة المرحومه
ويحبها على محبة بنته…ومتعلق بيها…
جراني واني أبچي….واختي غفران مچلبه بيه تبچي
وتصيح..
-لاتاخذها خالو خليها عقيله اختي
بعد مااتعارك وياها والله
خالو اطيها لعبتها بس أتركها…..
خطوات بابا طويله وغفران ناعمه
مالحكت بيه وهي تركض طاحت بلكاع..
واني دفعني بابا على الدراجه مالته….
ماما وجدو يبچون واخوي علي… واحمد
وخالي ابو احمد…شال غفران يسكتها
ركبت الدراجه وهو يسوق بسرعه.. حضنته خايفه
وابتعدت عن احلى بيت عشت بيه
بچيت بحرکه وادموعي وي الهوى أطير…..
وطارت وياها من هل الحظه سعادتي…
بقى الخوف بگلبي
آشلون افارك ماما الي ربتني من أني طفله..
اي من توفت والدتي عمري اربعين يوم…هيچ کالولي
چانت عمتي توها والده ابنها علي
وتوفت امي وهي بقت ترضعني وي علي ابنها
ومن ذاك اليوم….
وعيت على عمتي أمي
وعلى خالي والدي….
وعلى بزرهم واطفالهم اخواني…
والله اخواني وخواتي…
وصلنا للبيت وبابا کلش عصبي…نزلني ونزل
وهو يدردم عليه
-اشلون اتركضين بشارع…مو عيب عليچ
لچ شفتچ وخجلت…تعبرين الشارع
بعد ماترحين هناك
اظاهر جدج وعمتچ دللوچ…ونسو يربوچ
صفنت علي کلام بابا شنو يقصد…
شنو تربيه…..
دخلنا للبيت….وهو يفتح الباب بلمفتاح
صارت بوجهنا زوجة ابوي سميره
الي شافتني تعصبت وهي متنرفزه…
-المن جبتها ابو رامي…لك دبر عيشة الحم العندك
عندك اربعه جهال….
جايبلي الخامسه المن….
كللهم أني عامل…يوم اكو شغل يوم لا…
خليها عند اختك…
حتى زوجها ابن عمك مو غريب
المن جايبها اتذكرني بأمها…مااريدها…المن جبتها..
بابا وهو يغسل وجهه من الحر…تعصب منها
-ولچ اشلون اعوف عرضي سايب…
تذكرچ بآمها….لچ امها ماتن….وهسخ حضري الغدا
دخلت للبيت يقفص….ورطب..
الکاعيه ممفروشه….ومتربه …
رحت علي الدرج…..وبقيت كاعده على ثالث بايه…
واسمع مشاحناتهم ….
الي بلشت هل مشاحنات من اول دخلتي للبيت …
وبابا يتغدى….وهي فوك راسه
تسبني وتسب أمي الميته…وتسميني
بنت نجيه الي هو اسم امي
………………………ء
مرت الأيام ولأشهر….
واني مشتاقه الماما…والجدو…والاخواني…
الي كلما يجوني….يشوفوني
زوجة ابوي سميره….اسويلي مشاكل…
وطلعهم مغثوثين….
بطلو ميجوني….0
كامت ماما تجيني كل فتره اجيبلي حلويات
من يم المدرسه اخذهم….
من تدري سميره….تاخذهم مني..
لأن ماعندي لا كنتور….ولا ميز
اخلي جنتطي جوه الجربايه مال اخوي رامي…
وهو يدري يطلعهم…
سميره كلش عصبيه…
وعصبيتها دمار….
اتختل منها….مااريدها اشوفني…
لأن كلما اشوفني…تضربني
كعدت واني ضايجه كلش..وجوعانه
الكل اتغدى…..اله أني
نامو الظهر…..رحت للمطبخ دخلت بخفيه…
دورت بلجدوره…..ماكو اكل….
رحت للثلاجه مقفوله بقفل ومفتاح
بطني ظلت تزقزق….
اتذكرت ماما وهي ادكلي من تختنكين من كلشي
افرشي سجادتچ….وادعي…
كملت الوضوء…وخليت السجاده والتربه
وبس سجدت أتذكرت ماما علمتني على دعاء….
من أني زغيره
علمتني اني وعلي اخوي…نحفظه
حفظته برغم صعوبته عليه….واني اكرر
((ربى لاتكلنى لنفسي طرفة عين ..
اللهم أجبر كسرى وقوي ضعفى….
اللهم أغننى بحلالك عن حرامك..
وبك عن من سواك))…
برغم مااعرف شنو معناه….
بس بقيت اكرره….الحد ماغفيت على السجاده ونمت
واسمع صياح سميره….وبعلوه
-لچ أعقيله وينچ…..فزعت لان چنت غافيه عتربه
طلعت وکفت کبالها….
-ها خاله شصار چنت آصلي…
جرتني من أذني وبقوه…
-وين چنتي يلغبيه…اخوچ کسر اکلاص
ياحقيره….يا سا……يا كح
لچ عار وجابچ ابوچ عليه….
جرتني بحقد…ودفعتني بلطرمه بلا سقفيه
الدنيا حاره….تموز
والكاع تسمط… بعز الحر
واكفه بشمس اتلوسع حافيه…
احاول اخلي رجل.على رجل..
الحد ماحومرت من الكاع الحاره
………….ء
فات الاسبوع نفس التعب…
بيومها نظفت الطرمه.مااعرف..واسمع الباب اندك
فتحته واشوف جدي واكف حظنته…ابچي…
ردت اكله شنو الي يصير بيه
طلعت سميره..وراي وهي تعتني
-يله روحي دخلي اعقيله…..لا يجي والدج….كالت الجدو
-أبو نجيه أدريك تحب حفيدتك…على معزت بنتك
بس والدها ذمم عليه….
وانت تعرف الذمه شنو….
مااكدر اكسرها…
اباوع الجدو الي طلع وعيونه مدمعه…
شيباته ماحترمته…وهي تاخذ من العلاكه
وفرحانه بلغراض الجابهن الي.. جدو أبو نجيه
طلع جدو واني ماشبعت منه
اجتني متعصبه…وهي تسحل بظفيرتي
-لچ تردين ادكليله وطلعيني ظالمه…يا سا….
صعدتني للسطح……وسدت الباب بعصبيه
سمعت صوت القفله…
صرخت واني أبچي بحركه…
تمدد بلكاع …..
اتعلمت انام للكاع واني ابچي..
لحد ماسمعت صوت والدي….اجى
بعد ساعات اجتنني سميره …..وهي تملص أذني
-لچ بنت نجيه…ديربالچ والدچ يدري…
مادكليلي اشطولچ…حصان
رح توصلين اليه….
شکلچ مو مال آبتدائيه…..لازم تلسبين عبايه….
بدا الدوام خامس ابتدائي…
واخذني بابا البيت ماما ام احمد….
دخلت عليهم مشتاقه…وابچي…
مكدرت أكلهم بلي يصير….
خاف سميره تتعصب….
اخذتني ماما وخالي وجدو….للسوك..
اشترولي ملابس للمدرسه….
بقيت چم‌يوم….عدهم فرحانه
اجي بابا ياخذني….
حظنت ماما أبچي…واشكيلها
-ماما ليش هيچ يصير وياي….اريد ابقي يمچ
اهناك احس روحي يتيمه…
هناك اني صدك يتيمه
رفعت راسي بيدها وهي تتكلم..
-انتي مو دكولين أني مؤمنه واحب الله…
هزيت راسي
-اي ماما أني مؤمنه حتى الصلاة مكاطعتها
وحتى الدعاء العمتيني عليه أقراه..
كالتلي وهي تبچي انتي مو تحبين نبينا محمد..
-اي ماما احبها….كلش كد ماسولفين عنه…
مسحت ادموعها….وهي دكلي
-لعد مادام تحبينه…هو يحبچ لآن آنتي مثله يتيمه
بفرحة طفله…تحب كلشي تسمع كتلها…
-الله اني مثله يتيمه….هسه ارتاحيت ماما
دخل جدو…وركضت عليه…
-شلونك جدو مشتاقتلك….كعد عل قنفه
وكعدت ابحظنه….وبعيونه الدامعه يباوع العيوني
-تدرين عيونچ زراکهن على أمچ الحنينه..
اخ لو ما حکم والدچ وحقه…چان جبتچ يمي..
انتي ريحة ناجيه بنتي…
ناجيه الي ماتت ومشافت شي من الدنيا…
شبكني يبچي. وابچي على بچاه…
دخل والدي وهو يباوس اخته ماما ام علي..
-يله كومي عقيله….خل اروح
حتى ماباوع الجدو..
ركبنا الدراجه…واني أتوسله
-فدوه بابا سميره تكرص بيه وتعبني…
چان ساکت وماتکلم…..
دخلنا…ودموعي تحن على حظن عمتي..
حضرت كتبي….ومر اليوم اصعب من الصعب
الصبح طلع والدي للشغل…
واني نظفت البيت….وسميره تكعد يم جارتها اسولف
بقت الطرمه ما نظفتها…
جتي سميره وهي تجر اذني….صرخت
ابوي بهل لحظه دخل تعبان…
وسمع اصريخي…کالتله.
-بنت نجيه تريد عمتها…وجدها..تبچي عليهم
عيونه صارت حمر …بيده اسويچ الدراجه
سلسله طويله..قويه
تقرب ابعصبيه وهو يضربني بيها
كل ضربه بسلسله …تطلع روحي وياها…صاح
-بعد هذا درس الچ بيت جدچ ماکو…عمتچ ماکو
كمت واني أروح للغرفه …
نمت من الوجع بلا غده…. ولا عشه
جريته نومتي الحد ثاني يوم….
ومن الآلم قررت انو استسلم القدري…و اسكت
وسميره أيست من ابوي ….ممكن هو يرجعني
فبدت بطريقه جديده…
حسوني اخوي صغير لازم اظل طول نهار شايلته وماذبه
واذا نجبح او وكع…واني مو يمه
معناها انتقام…
من خوفي بقيت شايلته …على طول
طلع الدلال من عيوني
لأن عمتي مدللتني ..
الكنس والمسح ماادبره زين
چنت طفله شعرف ..
وهم اخذت فتره بس صياح وسب بيه
وکل دمغه منها آخذت …
الى أن جريت عدل
وتعلمت لان روحي طالعه….
اسوي الي تريده…..حتى اقراه
فلصبح ردت اروح للدوام …بقت سميره….
تقرا براس بابا….بنتك كبرت…بنتك ظخمه
طبعا بعد كلامها ….بابا بطلني من دوام..
جماعتي بالخامس ابتدائي…
بقت من اصير مشاكل بين بابا وزوجته
ياخذني اروح لعمتي ام زيد….اطفالها زغار
اضل عدها كم يوم ….
ماكدر اطول عدها اكثر
ع رغم هي كلش حبابه وتحبني
بس زوجها يخاف الله….لأن عنده اخوان
مره سمعته كالها….
بنت اخوج حلوه وين اطي وجهي من رب العالمين
مااتحمل ذنب اليتيمه بركبتي….
واخواني مراهقين….لاتخليها أتنام وحدها بالاستقبال
نيميها بحظنج
واني انام بالاستقبال
…حتى الغريب احن عليه من بابا …
من سمعت كلام زوج عمتي….مارحت الهم
فكامت سميره…اتخلي بابا ياخذني اروح
العمامي….همه تلاثه….
كل يوم عند واحد……
بيومها رحت ااعمي مسلم…..
عده سبع ولد بس كلهم صغار
اكبر واحد مواليد95
يعني كلهم اصغر مني….
وبذاك الوقت اصغار….
جنت اظل عدهم اسبوع
تعبت من الخدمه لان زوجة عمي أطلع كل شغل براسي
ساعه ادكلي انظف زوليه…
ساعه صوبه…..
لو تشرط زوجة عمي …
وتخليني اجلف او الماعين وزوالي… وغيره
او تخليني مبتليه بجهالها ابدل….. واغير الهم
بس كل هذا واهون من بيت ابوي …
على الاقل من اشتغل هنا يتعاملن وياي بطيب
ويصيحلي يروحي ويكلبي ونادره
ومن هذا لحجي جنت اكيف من يكللي هل كلام
وميبخلن عليه بالاكل.
يحسبني وي اطفالهن….
بقيت تلث أيام عدهم اخذني بابا….
ورجعت السميره….والتعبهاضاعت السنه عليه
اندك الباب مال بيتنا فتحته سميره
واشوف جدي دخل  متعصب…
لأن  سامع اني بطلت من المدرسه….
……..
شلونكم جماعة الصونده
صبركم علقصه اول بارتات تعريف بشخصيات
تالي رح تنتظرون…الايمان كله…والعشق كله

Prev1 of 27
Use your ← → (arrow) keys to browse

تم النشر من قبل نوفمبر 22, 2021 @ 8:10 ص

اهلا بحضراتكم ونتمنى ان نكون اسعدناكم بالمحتوى #Seven_Story

 موقع سڨن ستورى متخصص فى القصص والروايات والكتب والفن وحياه افضل  sevenst.us

زوارنا الكرام محبي موقع سڨن ستورى لا تبخلوا علينا بتعليقاتكم, و المشاركة علىصفحتنا في فيسبوك

ما مدى تقيمك ؟

انقر على نجمة لتقييم ذلك!

متوسط التقييم 5 / 5. عدد الأصوات: 1

لا أصوات حتى الآن! كن أول من يقيم هذه الرواية.

كما وجدت هذه الروايه جيده ومفيده ...

تابعونا على وسائل التواصل الاجتماعي!

Advertisement
Click to comment
Subscribe
نبّهني عن
guest
0 تعليقات
Inline Feedbacks
View all comments

Trending-ترندينغ

0
Would love your thoughts, please comment.x
()
x